web counter
LEXO PA REKLAMA!

SHKARKO APP

App Store
Google Play

“Beratasit e dinë se kë do votojnë”/ Demo: Kandidati i zgjedhur do ketë mbështetjen time

9 Nëntor 2025, 10:53, Politikë CNA

“Beratasit e dinë se kë do votojnë”/ Demo: Kandidati

Ministri i Pushtetit Vendor dhe njëkohësisht i deleguari politik i qarkut Berat, Ervin Demo tha sot se beratasit e dinë mirë se kë do të votojnë për të vijuar transformimin e qytetit.

Në një deklaratë për mediat, Demo u shpreh se kandidati i zgjedhur nga qytetarët do ketë gjithë mbështetjen e tij, teksa u bëri thirrje qytetareve të votojnë.

“Qytetarët e Beratit e kanë shumë të qartë se kush do të jetë zgjedhja dhe zgjidhja e tyre. Beratasit e dinë mirë se kë do të votojnë. Pavarësisht se në Berat është bërë një transformim i jashtëzakonshëm, padyshim që kemi ende shumë sfida përpara. Ai që do të zgjidhet, do t’i çojë përpara këto projekte dhe do të ketë mbështetjen time.

Ka disa projekte shumë të rëndësishme dhe të bukura që do të realizohen gjatë vitit 2026 për Bashkinë e Beratit. Këto janë zgjedhje të pjesshme, afatet kanë qenë më të ngushta, por në të pesë bashkitë, Partia Socialiste ka marrë angazhimin maksimal. Ne kemi nevojë të bëjmë investime të mëtejshme.

Ai që do të drejtojë Bashkinë e Beratit, do të vazhdojë projektet e nisura dhe do të ketë mbështetjen time si ministër. Kandidati i Partisë Socialiste është pritur shumë mirë nga qytetarët dhe besoj fort se ajo që do të ndodhë nesër, do të jetë rikonfirmimi i drejtimit të bashkisë nga kandidati ynë”,-tha Demo./CNA





Lajmet e fundit nga