LEXO PA REKLAMA!

SHKARKO APP

Nga Elvi Fundo/ Kush i parashikoi aferat e McGonigal

9 Shkurt 2023, 16:25, Opinione CNA
Nga Elvi Fundo/ Kush i parashikoi aferat e McGonigal
Charles McGonigal, ish-zyrtari i FBI-së

Në SHBA ka ende një debat të madh konspirativ për filmin vizatimor Simpsonët.

Askush nuk jep ende një version bindës sesi në atë film u parashikuan ngjarjet e ardhshme të 11 Shtatorit dhe goditja e kullave binjake nga dy avionë. Ndërkohë në Shqipëri lidhur me aferat e fundit të një agjenti të FBI askush nuk e ka gjetur ende parashikuesin.

Së fundi u gjet fare rastësisht nga një shfletues i mirë i letrave shqipe. Në vitin 1971 shkrimtari satirik Qamil Buxheli botoi librin " Karriera e Zotit Maksut".

Ky libër në vitin 1988 u ekranizua në film nga Saimir Kumbaro nën titullin "Historiani dhe Kaneleonët". Subjekti i kësaj vepre është shumë real dhe parashikon shumë fenomene pothuajse të njëjta me agjentin e FBI dhe personat e lidhur me të.

Një historian amerikan që vjen në Shqipëri për të shkruar një libër për mbretërinë. Pritjet madhështore që i bëhen nga autoritetet qëndrore dhe vendore, si dhe dhuratat që merr nga tregtarët e asaj kohe janë të panumërta.

Të gjitha këto në këmbim të opinioneve pozitive që ai do të përmendte në librin e tij të ardhshëm për secilin prej tyre, kur të kthehej në Amerikë.

Me gjithë dhuratat, pritjet dhe titujt e nderit që mori, historiani kur u kthye në Amerikë nuk ju përgjigj shumicës së premtimeve të tij, duke lënë me gisht në gojë, sidomos ofiqarët vendore dhe tregtarët e mëdhenj.

Ata filluan ta konsideronin vizitën e tij një mashtrim të madh, që ju kushtoi shumë. Madje disa prej tyre humbën pozitat zyrtare dhe të ardhmen e tyre të ndritur në administratën vendore. Kjo histori satirike në rrethana kohore dhe personazhe të rinj është shumë aktuale këto kohë.

Viktimat e mashtrimeve janë ende nën ankthin për të njohur sa dëm bëri historiani i ri i FBI. Letërsia satirike vijon...

Lajmet e fundit nga