Lajmet kryesore deri në orën 15:00

Sot në qeverinë "Rama 4" janë bërë edhe dy emërime të reja.

Pas vendimit nga mbledhja e qeverisë për emërimin e ish-deputetes së LSI-së, Silva Caka, si zëvendësministre e Brendshme, mësohet se është marrë vendim edhe për dy ministri të tjera.

Kështu, ish-deputetja e Partisë Socialiste, Edona Bilali, është emëruar zëvendësministre e Infrastrukturës dhe Energjisë.

Gjithashtu mësohet se Eugena Tomini është emëruar zëvendësministre e Shëndetësisë, detyrë që e ka mbajtur edhe më parë.

Këto janë ndër lëvizjet e para të kryeministrit Edi Rama, që pas dekretimit të kabinetit të ri qeverisës./CNA

Për të 39-n ditë me radhë, Erion Veliaj dhe Mero Baze vijojnë të mashtrojnë publikisht shqiptarët.

Teksa kanë kaluar 39 ditë nga gënjeshtrat dhe akuzat e Veliajt dhe mbetjes së tij mediatike ndaj prokurorit Ols Dado për të cilin pretendojnë se ka kryer hetimet për hakmarrje dhe në konflikt interesi, pasi, sipas tyre, ka kërkuar shtesë mbi lejen.

Mero Baze dhe Erion Veliaj nuk e publikojnë ende dokumentin me firmën e Ols Dados dhe refuzimin me firmën e Erion Veliajt.

Pretendimi i Erion Veliajt

Në pikën 135, Veliaj thotë se prokurori Ols Dado ka marrë një leje ndërtimi në Bashkinë e Tiranës dhe pastaj ka kërkuar një shtesë mbi atë me leje dhe kjo i është refuzuar.

Ndërsa në pikën 136 të dokumentit pa vulë dhe pa firmë, Erioni e trajton këtë si një çështje “hakmarrjeje” nga ana e prokurorit Ols Dado, sepse, sipas tij, nuk i është dhënë leja e ndërtimit për shtesën pasi ka bërë një kërkesë.

Pse nuk e nxjerr Veliaj, dokumentin me firmën e Ols Dados dhe refuzimin me firmën e tij?

Pretendimi i Mero Bazes

Mero Baze thotë se, sipas tij, hetimi ndaj Veliajt është i kërkuar me ngulm nga një prokuror, i cili muaj më parë ka pasur konflikt personal me të, lidhur me kërkesat e tij për një leje ndërtimi jashtë kritereve ligjore që kishte bashkia.

Pse nuk e vërteton Mero Baze? Pse nuk e publikon dokumentin me firmën e Ols Dados dhe refuzimin me firmë të Erion Veliajt? Pse nuk e nxjerr?

Erion Veliaj dhe Mero Baze vijojnë mashtrimin publik ndaj shqiptarëve prej 39 ditësh, thjesht dhe vetëm për të sulmuar drejtësinë për faktin se ka çuar prapa hekurave një kryebashkiak të arrestuar për disa vepra të rënda penale dhe me 13 akuza, i cili sot ndodhet në qelitë e burgut të Durrësit dhe dirigjon Mero Bazen, mbetjen e tij mediatike./CNA

Këshilli Bashkiak i Bashkisë së Korçës ka miratuar me 24 vota pro vendosjen e bustit të intelektualit Llazar (Zai) Fundo në Korçë.

Busti i Zai Fundos, i bërë nga skulptori Adi Dule, do të vendoset në pedonalen e qytetit të Korçës, pranë bashkisë së qytetit.

Në një reportazh të përgatitur nga gazetari Blendi Fevziu dhe emisioni “Opinion”, i transmetuar pak ditë më parë, Dule ka ndarë detaje nga busti.

Skulptori ka thënë se ka punuar prej 4 muajsh me bustin e Zai Fundos, bazuar në fotot e tij.

“Po bën 4 muaj që po punoj për monumentin e Zai Fundos. Qëllimi në vetvete nuk është të futesh në karakter, por të të tërheqë. Jam bazuar në fotot e tij. Në momentin që e shoh lidhem me atë figurë. Ka një frymë me gjërat që ka bërë. Është një vend në Korçë ku do të vendoset busti, detaje që përputhen me imazhin që kam në kokë”, ka thënë skulptori.

Llazar Fundo është një figurë komplekse e historisë shqiptare. Një intelektual poliglot me plot 9 gjuhë të huaja, që lindi në një familje tregtarësh nga Voskopoja në Korçë, më pas në rini u bë komunist, u pushkatua nga komunistët.

Fundo është arrestuar nga italianët në 5 maj 1939 dhe nuk ka asnjë lidhje me themelimin e PKSH-së nga Dushan Mugosha, Miladin Popoviç dhe Enver Hoxha si vegël e tyre në nëntor 1941.

Llazar Fundo ndodhej i internuar në Vetontene dhe kur në Shqipëri jugosllavët themelonin Partinë Komuniste, ai firmoste "Il Manoifesto Di Vetontene", i cili është dokumenti ku janë hedhur rrënjët e Bashkimit Europian dhe një prej hartuesve dhe firmëtarëve të saj është Llazar Fundo./CNA

Këshilli i Ministrave në mbledhjen e sotme ka firmosur shkarkimin e Erion Veliajt nga posti i kryebashkiakut të Tiranës. 

Dy ditë më parë Këshilli Bashkiak miratoi propozimin për shkarkimin e Erion Veliajt nga detyra e kryebashkiakut.

Propozim i cili më pas u firmos nga Prefekti i Tiranës dhe iu dërgua ditën e djeshme Këshillit të Ministrave.

Vendimi erdhi pas urdhrit të kryeministrit Edi Rama në Asamblenë e PS më 11 shtator, ndaj këshilltarëve bashkiakë për të shkarkuar Erion Veliajn.

Në Asamble, kryeministri propozoi emrin e Ogerta Manastirliut si kandidate e socialistëve për zgjedhjet e parakohshme lokale në Bashkinë e Tiranës.

Pas shkarkimit të Veliajt nga Këshilli i Ministrave, hapi i radhës është njoftimi i Presidentit të Republikës për vakancën e krijuar. Më pas, presidenti dekreton një datë për zgjedhjet e pjesshme lokale.

Erion Veliaj ndodhet në paraburgimin e Durrësit, i arrestuar që prej 10 shkurtit të vitit 2025. SPAK ka mbyllur hetimet për Veliajn dhe e ka marrë zyrtarisht të pandehur me 13 akuza, për disa vepra të rënda penale.

Erion Veliaj, i akuzuar për kryerjen e veprave penale:

1. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Agi Kons” shpk, parashikuar nga neni 260 e 25 i Kodit Penal;

2. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Fusha” shpk, parashikuar nga neni 260 e 25 i Kodit Penal;

3. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Palushi” shpk, parashikuar nga neni 260 e 25 i Kodit Penal;

4. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Gerard-A” shpk, parashikuar nga neni 260 e 25 i Kodit Penal;

5. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Kontakt” shpk, parashikuar nga neni 260 e 25 i Kodit Penal;

6. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Eventus” OJF, parashikuar nga neni 260 e 25 i Kodit Penal;

7. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Muza” OJF, parashikuar nga neni 260 e 25 i Kodit Penal;

8. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “BYL-A” OJF, parashikuar nga neni 260 e 25 i Kodit Penal;

9. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Frobolous” OJF, parashikuar nga neni 260 e 25 i Kodit Penal;

10. “Pastrimi i produkteve të veprës penale ose veprimtarisë kriminale”, kryer në bashkëpunim më shumë se një herë, parashikuar nga neni 287/2 i Kodit Penal;

11. “Futja ose mbajtja e sendeve të ndaluara në institucionin e ekzekutimit të vendimeve me burgim”, më shumë se një herë, parashikuar nga neni 324/a/2 i Kodit Penal;

12. “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, parashikuar nga neni 257/a/2 i Kodit Penal;

13. “Shpërdorimi i detyrës”, parashikuar nga neni 248 i Kodit Penal.

Të premten, datë 26 shtator, Kisha Orthodhokse Autoqefale e Shqipërisë do të kremtojë me soleminitet Jetëndërrimin e Apostullit dhe Ungjillorit Joan.

Ky premtim përkon me ditën e emrit të Fortlumturisë së Tij, Kryepiskopit të Tiranës, Durrësit dhe gjithë Shqipërisë, Imzot Joanit.

Shërbesat e Shenjta do të zhvillohen në Katedralen "Ngjallja e Krishtit" në Tiranë.

Shërbesat do të nisin me:

Mëngjesoren në orën 07:30

Liturgjinë Hyjnore në orën 08:45

Pas përfundimit të Shërbesave të Shenjta, do të organizohet një pritje festive në Sallën e Pritjeve të Qendrës Sinodike, pranë Kompleksit të Katedrales "Ngjallja e Krishtit" në Tiranë, ku besimtarët do të kenë mundësi të shprehin urimet e tyre ndaj Fortlumturisë së Tij, Kryepiskopit Joan./CNA