web counter
LEXO PA REKLAMA!

SHKARKO APP

App Store
Google Play

E fundit!

x

Xheni Brahaj, mes profesionit si juriste dhe artit/ Mesazhi i fortë për të rinjtë e “TikTok”-ut

23 Janar 2024, 15:29, Lifestyle CNA
Xheni Brahaj, mes profesionit si juriste dhe artit/ Mesazhi i fortë
Xheni Brahaj

Xheni Brahaj, prej kohësh e distancuar nga ekrani, por ka zgjedhur që t’i përkushtohet artit dhe punës së saj si juriste.

Gjatë një interviste, Xheni Brahaj ka zbuluar se tashmë i është kushtuar punës së saj në një institucion ligjzbatues.

Ajo ka treguar se paralel me punën i kushtohet dhe artit.

Së shpejti do ta shohim në një film ku tregon talentin e saj të fshehur, atë që fshihet pas Xhenit që jemi mësuar të shohim në ekran.

Ajo është shprehur se është larguar paska nga rrjetet sociale pasi sipas saj në to shohim vetëm antivlera. Xheni thotë se ka vendosur të qëndrojë larg, edhe pse mund të jenë shumë fitimprurës.

“Kam zgjedhur të distancohem nga rrjetet sociale sepse po shoh që promovohen antivlera. Kam vendosur të mos jem më pjesë e këtij rrjeti mediatik dhe pse ndoshta mund të jetë fitimprurës. Nuk më shërben për të ardhmen time, atje ku e shoh veten pas 5 viteve. Jam tepër e kujdesshme në promovimet e pakta që bëj në 'Instagram'-in tim sepse në asnjë moment nuk dua të zhgënjej veten dhe publikun tim që më ka mbështetur ndër vite”, ka thënë ajo në intervistë.

Sa i përket projektit të ri, Xheni Brahaj ka zbuluar se do të jetë pjesë e një filmi, por këtë herë në zhanrin komedi.

“Ky është një projekt që po punoj për rreth 1 vit dhe që e dua pafund. Do të rikthehem për herë të dytë si aktore në film, por nga aksioni, në zhaner komedi këtë herë. Ndihem e nderuar që kam luajtur përkrah disa aktorëve ikonikë të teatrit dhe kinematografisë shqiptare”, vijoi ajo.

Xheni ka dhe një mesazh shumë të fortë për të rinjtë dhe të rejat që u kushtojnë kohë rrjeteve sociale dhe ndikohen nga ato.

“Ajo që unë dua të them është më shumë një mesazh, ndoshta për të rinjtë dhe adoleshentët shqiptarë. Unë vetë kam një motër të vogël, minorene dhe e këshilloj shpeshherë. Është meraku im më i madh se si ajo po e kalon ditën. Shpesh jam kontrolluese e kontentit që ajo sheh në rrjetet sociale. Dua t’u them këtyre të rinjve dhe të rejave: 'Vlerat më të mëdha janë njerëzit që duan familjen, veten, shokët, miqtë, njerëzit që lexojnë, shkollohen dhe ndihmojnë shokun e shoqen. Vlerat nuk janë te bullizmi që ndoshta hasin nëpër shkolla dhe 'edukohen' në 'TikTok'. Duajeni njëri-tjetrin, investoni te vetja në arsim, mos e mbroni dhunën, denoncojeni atë dhe falni sa më shumë dashuri. Interneti, telefoni dhe rrobat e shtrenjta nuk e bëjnë njeriun! Vlerat janë aty në brendësi të zemrës tuaj. Mos ngurroni të shfaqni humanizmin në versionin tuaj më të mire”, ka përfunduar Xheni Brahaj./ CNA





Lajmet e fundit nga