web counter
LEXO PA REKLAMA!

SHKARKO APP

App Store
Google Play

Varësia nga rrjetet sociale/ Çfarë përfitojmë nëse qëndrojmë 1 javë larg tyre

7 Shkurt 2024, 18:40, Lifestyle CNA

Varësia nga rrjetet sociale/ Çfarë përfitojmë

Në botën e sotme dixhitale, është e vështirë të imagjinohet jeta pa mediat sociale. Platformat si Tëitter, Instagram, Facebook dhe së fundmi TikTok dominojnë jetën tonë të përditshme, duke çuar shpesh në përdorim të tepruar dhe madje edhe varësi.

Gjithnjë e më shumë studime po nxjerrin në pah efektet e tyre të mundshme negative në shëndetin mendor, me rritjen e ankthit dhe depresionit të lidhur me përdorimin e tyre obsesiv. Një detoks i vogël herë pas here konsiderohet i nevojshëm, për të rritur shëndetin tonë mendor dhe mirëqenien e përgjithshme dhe për t'u shkëputur nga stresi.

Çfarë fitojmë?

Më pak stres dhe trishtim

Shumë ekspertë argumentojnë se rritja e ankthit, veçanërisht tek fëmijët, është për shkak të rrjeteve sociale, për shkak të krahasimit me të tjerët. Sipas një studimi, një pushim prej vetëm një jave nga lëvizja dhe postimi i vazhdueshëm mund të reduktojë ndjeshëm ankthin dhe depresionin.

Gjumë më i mirë

Një studim i mëparshëm zbuloi se njoftimet e vazhdueshme mund t'ju mbajnë zgjuar gjatë natës, duke çuar në më pak gjumë. Përveç kësaj, drita blu nga pajisjet është e lidhur në mënyrë të barabartë me çrregullimet e gjumit.

Lidhje më të forta sociale

Edhe pse quhen rrjete “sociale”, ndoshta të gjithë ne pak a shumë e kemi vënë re se sa në fund të fundit mund të bëhemi antisocialë. Sipas ekspertëve, nëse shkëputeni nga rrjetet sociale, do të detyroheni të keni më shumë kontakte personale për të qëndruar të lidhur me familjen dhe miqtë tuaj.

Më shumë kohë të lirë

Një studim i mëparshëm arriti në përfundimin se pjesëmarrësit që qëndruan larg mediave sociale për një javë fituan rreth 9 orë kohë të lirë, gjë që u duk se përmirësonte mirëqenien e tyre./ CNA





Lajmet e fundit nga