E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

Studiuesit zbulojnë “sekretin”/ Çfarë duhet të bëni që të arrini moshën 90-vjeçare

9 Qershor 2022, 09:18, Lifestyle CNA

Studiuesit zbulojnë “sekretin”/ Çfarë duhet të

Foto ilustruese

Sipas një studimi, të qenit optimist mund të zgjasë jetëgjatësinë tuaj dhe rrit shanset për të kapur moshën 90 vjeç.

Një ekip kërkimor i Universitetit të Harvardit zbuloi se gratë që janë më optimiste jetojnë mesatarisht 54 për qind më gjatë, ose më shumë se katër vjet jetë, kur krahasohen me bashkëmoshatarët e tyre më pesimistë.

Ato që janë më optimiste gjithashtu kanë një shans dhjetë për qind më të madh për të arritur moshën 90-vjeçare sesa gratë më pesimiste. Jetëgjatësia mesatare në SHBA është më pak se 80 vjeç.

Ndërsa ky studim nuk përcaktoi një mekanizëm të saktë pas ndryshimeve në jetëgjatësi, ekspertët e kanë ditur prej kohësh se ekziston një lidhje midis të menduarit më pozitiv dhe një jete më të shëndetshme.

Studiuesit, të cilët publikuan gjetjet e tyre të mërkurën në "Journal of the American Geriatrics Society", bazohen në gjetjet nga një studim i mëparshëm.

Ai zbuloi se optimizmi rrit gjasat e një personi për 'jetegjatësi të jashtëzakonshme', ose për të jetuar deri në të paktën 85 vjeç. Ai studim u kritikua vetëm për faktin se kishte parë popullsinë kryesisht të bardhë, jo një mostër përfaqësuese të Shteteve të Bashkuara.

Optimizmi është një faktor pozitiv shëndetësor, shpjegojnë studiuesit, një zbulim i rrallë në një fushë mjekësore ku shumë nga sjelljet e studiuara rezultojnë të jenë negative në njëfarë mënyre. Pse pikërisht optimizmi dhe një këndvështrim më pozitiv për jetën çon në shëndet më të mirë nuk është konfirmuar nga ekspertët, por ata besojnë se ekzistojnë dy faktorë kryesorë.

Ekspertët në Universitetin "Johns Hopkins" tregojnë për shëndetin e zemrës.

Njerëzit që janë më optimistë stresohen më pak për të ardhmen dhe këndvështrimi i tyre i përgjithshëm çon në mendime pozitive, duke i vënë më pak barrë zemrës së tyre.

Nga ana tjetër, njerëzit që bëjnë jetë më stresuese, të mbushura me ankth dhe shqetësim, janë në rrezik të shtuar të vuajnë nga sëmundje kronike të zemrës./ CNA.al