web counter
LEXO PA REKLAMA!

SHKARKO APP

App Store
Google Play

Sara Gjordeni “shpërthen” ndaj mediave/ “Po përdhosni figurën time si femër”

13 Mars 2024, 20:44, Lifestyle CNA
Sara Gjordeni “shpërthen” ndaj mediave/ “Po
Sara Gjordeni

Sara Gjordeni ka reaguar me tone të ashpra ndaj mediave në lidhje me lajmet e raportuara pas pjesëmarrjes në “Big Brother VIP”.

Me anë të një statusi në rrjetet sociale, Sara thotë se deklaratat e saj janë deformuar

Ajo pretendon se kjo gjë ka përdhosur figurën si femër dhe moralin e saj.

Sipas saj, pas prishjes së imazhit të saj qëndrojnë persona të caktuar, që kanë problemet personale me të.

“E kuptoj qartë që jam njeriu më i përfolur i momentit dhe kjo vjen me pasoja. Vërtet kam bërë deklarata të forta, por sepse më është kërkuar të flas për të kaluarën time. Askush nuk ka aq guxim të gënjejë në televizione kaq të ndjekura, sepse i bie do kishte probleme të mëdha mendore. Dhe unë të nderuar komentues kam kaluar 100 teste nga psikologia e Big Brother jam totalisht top. Mos e vrisni nga kjo anë.

Tjetër gjë që jam e guximshme si dreqi e tjetër që merren titujt dhe për t’u hapur lajmi shkruhet në mënyrë skandaloze që të tërhiqet vëmendja. Sa për emisionet, kam një kontratë që duhet ta respektoj dhe ti’i frekuentoj. Se të ishte për mua, rrija ngrohtë në krevat. Në kurrizin tim, po abuzohet në mënyrë makabre!

Më kanë bërë isha meshkuj që as i njoh, duke nisur nga Silvi, duke përdorur familjen time…

E kam të faktuar nga njerëz të fushës që media e shkruar po bëjnë miliona në emrin tim. Për familjen dhe sakrificat, kanë folur edhe banorë të tjerë, por po shfrytëzohet dhe keqpërdoret vetëm emri im. Gjejeni pse…

Figura ime si femër dhe morali im është përdhosur dhe orientuar negativisht nga persona të caktuar, që problemet i kanë personale me mua.

Ama të dini diçka, që nga dita që kam dalë dhe deri sot, nuk ka derdhur asnjë pikë lot. Përkundrazi, i kam dhënë forcë nënës sime, Lunës, Bardhit, nënës së tij, motrës, vëllait etj.

Nuk më rrëzoni dot, as me tituj, as me komente, as me akuza, as me fyerje”, shkruan Sara./ CNA





Lajmet e fundit nga