web counter
LEXO PA REKLAMA!

SHKARKO APP

App Store
Google Play

Poshtëroi hebrenjtë me deklarata raciste/ Kanye West e pret dëshpërimi

1 Nëntor 2022, 14:06, Lifestyle CNA

Poshtëroi hebrenjtë me deklarata raciste/ Kanye West e pret

Është sugjeruar se reperi i famshëm Kanye West, të cilit i janë ndërprerë marrëveshjet e biznesit njëra pas tjetrës për shkak të deklaratave të tij të fundit raciste dhe antisemitike, mund të përjetojë një kolaps ekonomik pas disa muajsh.

Burime të njohura me financat e reperit të famshëm folën për Page Six sesi West do të ndikohet nga zhvillimet e fundit.

Opinionet u shprehën se reperi ka 5 burime kryesore të të ardhurave dhe 4 prej tyre ose janë zhdukur plotësisht ose janë në rrezik.

Burimet thanë se edhe pse West tashmë ka një sasi të madhe parash, duke pasur parasysh madhësinë e shpenzimeve të tij, ato mund të mbarojnë në një kohë të shkurtër.

Vitet e fundit, përveç shitjeve të albumeve dhe të ardhurave nga koncertet, West ka bërë një pasuri me bashkëpunimet e tij me marka si Adidas dhe Gap.

Adidas, që ka pjesën më të madhe në pasurinë e reperit të famshëm, javën e kaluar vendosi t'i japë fund bashkëpunimit 10-vjeçar me West.

Në këtë periudhë ishte në rrezik edhe e ardhmja e koncerteve të tij, e cila ishte rruga më e shkurtër për të fituar para për West.

Pas retorikës antisemitike, koncerti madhështor i West-it në stadium, i cili pritej të mbahej më 4 nëntor në Los Angeles të Kalifornisë, SHBA u anulua.

"Forbes" njoftoi se pas zhvillimeve të fundit, pasuria neto e West ra nga 2 miliardë dollarë në 400 milion dollarë. 

Reperi i njohur ka shpërndarë edhe një postim në "Instagram" ku shkruan “Kam humbur 2 miliardë dollarë në një ditë”./CNA.al

 





Lajmet e fundit nga