web counter
LEXO PA REKLAMA!

SHKARKO APP

App Store
Google Play

E fundit!

x

“E kam një peng”/ Devis Xherahu flet për momentet e fundit me babain e tij

8 Janar 2023, 10:23, Lifestyle CNA
“E kam një peng”/ Devis Xherahu flet për momentet e fundit
Këngëtari Devis Xherahu

Këngëtari Devis Xherahu, i prekur, ka rrëfyer momentet e fundit me babain e tij të ndjerë.

Gjatë një interviste me gazetaren Erjona Rusi, Xherahu tregoi për ëndrrën amerikane të babait të tij.

Ai tregon se në vitin 2007 kur u kthye nga turnetë e tij në Amerikë, takoi të atin dhe i rrëfeu për aventurën e tij, duke e lumturuar pa masë.

Pasi kaloi momentet e gëzimit me të atin, Xherahu tha se po nisej drejt Tiranës për një koncert kur nëna e tij e telefonoi për t'i dhënë lajmin e hidhur.

Këngëtari shprehet se prej kohësh ka një peng, duke thënë se ndoshta emocioni i bukur ndikon te njerëzit dhe se ndoshta i dha të atit më shumë emocione seç mund të përballonte zemra e tij.

“Më ngacmove aty ku më dhemb. Ka qenë viti 2007 isha në një turne në Amerikë, unë trashëgova ëndrrën amerikane nga babi im, pasi bëra turneun në 9 shtete të Amerikës dhe dy të Kanadasë, vij në Korçë më priste babi, i tregova për Amerikën dhe ai u emocionua pa masë, pimë verë atë ditë, morëm kitarën dhe kënduam, ëndrra e tij u bë realitet dhe ai ishte i ngopur.

Po shkoja në Tiranë se kisha një koncert dhe sa afrohem te sheshi 'Skënderbej' më mori mamaja në telefon dhe më tha na la babai, e mbylla telefonin dhe thashë çfarë ndodhi ai ishte në rregull, kishte shkuar të luante bilardo dhe aty e la zemra. E kam një peng se ndoshta edhe emocioni i bukur ndikon te njerëzit dhe ëndrra që kishte ai për Amerikën ndoshta i dhashë një gëzim më shumë sa çfarë mbante zemra e tij”, u shpreh Devis Xherahu.





Lajmet e fundit nga