Princ Harry nxjerr "sekretet e errëta" të familjes mbretërore/ Nga humbja e virgjërisë te kokaina dhe ofendimet

6 Janar 2023, 20:37, Lifestyle CNA

Princ Harry nxjerr "sekretet e errëta" të familjes

Jeta e Princ Harry-t dhe familjës së tij, jo pak herë ka qenë në vëmendje të mediave dhe publikut të gjerë. Harry ka vendosur që copëzat më të vyera të jetës së tij t’i ndajë me të gjithë dashamirësit. Ndonëse nuk i ka dalë ende në shitje, BBC ka arritur të sigurojë një kopje të librit nga një librari spanjolle.

Rëfimet që princ Harry bën rreth familjes dhe jetës së tij, do të mbërthejnë kureshtjen e lexuesve.

Harry ka ndarë një nga momentët më të vështira për të si një fëmijë, prindërit e të cilit ishin ndarë. Ai rrëfen se si bashkë më vëllain e tij princ William iu lutën babait të tyre mos të lidhej më Camillan pasi frikësoheshin se ajo do të kthehej në një njerkë të keqe për ta. Ai rrëfen më tej se ka bërë disa takime të ndara me Camilla-n deri sa e kuptuan që ajo mund të hynin në jetën e tyre pasi ajo bënte të lumtur babanë e tyre.

Princ Harry nxjerr "sekretet e errëta" të familjes

Pas vdekjes së nënës së tij, Harry tregon në libër se trishtimi që e kishte kapluar nga mungesa e nënës së tij, Dianës e bëri atë të kërkonte ndihmë nga një grua që thuhet se kishte fuqi të mbinatyrshme Ajo i tregoi princ Harryt mesazhin nga bota e përtejme të Dianës e cila i thoshte princit se ai po bën jetën që ajo nuk mundi ta bënte.

Një momente i veçantë që është rrenjosur thellë në kujtesën etij është momenti ku baba ii tij, mbreti Charles i dha lajmin se Diana kishte pësuar një aksident me makinë. Harry rrëfen se babai i tij nuk është i mirë në shprehjen e ndjenjave, madje as nuk e përqafoi pas lajmi që id ha. Më vonë, pas vdekjes Harry thotë se e përsëriti udhëtimin që bëri Diana me makinë kur ajo humbi jetën, me shpresën se do e mbyllte si kapitull, por kjo e bëri atë t’i zgjoheshin edhe më teprë dyshimet për shkakun zyrtar të vdekjes.

Harry në librin e tij ka treguan një moment ku vëllai i tij, William e kapi për jake, ia shqeu varësen dhe e rrëzoi përtokë. Në libër thuhet se sherri nisi pas komenteve që bëri William për Meghan, duke thënë se ajo ishte një grua e vrazhdë dhe e bezdisshme.

Princ Harry nxjerr "sekretet e errëta" të familjes

Harry e ka akuzuar se ai ishte personi që po ushqente mediat me informacion për jetën e tij. “Rashë mbi tasin e qenit, i cili u thye poshtë shpinës. Copat më prenë. Mbeta i shtrirë dhe i trullosur për një moment, pastaj u ngrita në këmbë dhe i thashë të dilte jashtë”, tregon Harry.

Harry tregon se ka humbur virgjerinë e tij në moshën 17-vjeçare me një të grua të moshuar në një fushë pas një pub-i. Ai e ka përshkuar atë si një eksperiencë poshtëruese dhe se e trajtoi si një ‘hamshor të ri’.

Lidhur me përdorimin e lëndëve narkotike, Harry thotë se atij iu ofrua kokaina në shtëpinë e dikujt kur ishte 17 vjeç. Ai pranon se kishte konsumuar kokainë edhe më parë edhe se ka tymosur kanabis në kolegjin ‘Eton’ kur ishte nxënës.

Princ Harry ka rrëfyer një histori të pazakontë kur ai shërbente si pilot helikopteri në Afganistan në vitet 2012-2013. Në libër shkruhet se ai mori pjesë në gjashtë misione, ku përfshiheshin edhe vrasje, të cilat i cilësonte si veprime të justifikueshme. “Nuk është një statistikë që më mbush me krenari, por as nuk më lë të turpëruar. I zhytur në vapën dhe konfuzionin e luftimeve, nuk i shihja ata 25 si njerëz. Ata ishin si gurë shahu që hiqeshin nga tavolina, njerëz të këqij që eliminoheshin para se të vrisnin njerëz të mirë”.

Princ Harry nxjerr "sekretet e errëta" të familjes

Meghan dhe Kate njihen për marrëdhënien e tyre “të ftohtë” si dy kunata. Harry tregon në libër se si gruaja e tij, Meghan kishte ofenduar Kate, duke thënë se ajo kishte trurin e një bebeje. Kjo ndodhi përpara dasmës mbretërore të vitit 2018. Gjatë përplasjes, Kate pranoi se ajo e kishte bërë gruan e tij të qante. William reagoi duke i thënë Meghan: “Kjo ishte shumë brutale, këto gjëra nuk bëhen këtu”. Kurse Meghan i tha: “Hiqe atë gisht nga fytyra ime”.

Një tjetër moment prekës ishte rrëfimi kur babai i tij i kishte kërkuar dy vëllezërve mos të ziheshin pas një konflikti që patën pas përfundimit të funeralit të Dukës së Edinburgut në vitin 2021.

Ndër të tjera ai zbuloi se “Spare”, tituli i librit të Harry-t lidhet me një fjali të mbretit Charles drejtuar të birit të tij. Harry shkruan se kur ishte 20 vjeç, Charles i kishte quajtur atë një reserve ndërsa princ William një trashëgimtar.

“Fantastike, më ke dhënë një trashëgimtar dhe një rezervë (spare). E ke bërë punën tënde”, ishin fjalët e babait të tij./ CNA.al