web counter
LEXO PA REKLAMA!

SHKARKO APP

App Store
Google Play

Dua Lipa refuzon ftesën për eventin Joshua-Fury/ Mungon në supersfidën e boksit 2026

1 Maj 2026, 22:33, Lifestyle CNA

Dua Lipa refuzon ftesën për eventin Joshua-Fury/ Mungon në

Këngëtarja shqiptare Dua Lipa nuk pritet të jetë pjesë e eventit të shumëpritur të boksit mes Anthony Joshua dhe Tyson Fury, i cili synohet të zhvillohet në fund të vitit 2026.

Sipas BBC Sport, Dua Lipa është kontaktuar për të performuar gjatë spektaklit madhështor, por ka refuzuar ofertën dhe nuk do të marrë pjesë në këtë ngjarje sportive me përmasa globale.

Më herët, kreu i Autoritetit të Argëtimit në Arabinë Saudite, Turki Al-Sheikh, kishte lënë të kuptohej se mungesa e saj mund të ndikonte në realizimin e ndeshjes, megjithëse mbetet e paqartë nëse deklarata ishte serioze apo në formë batute.

Përballja mes Joshua dhe Fury konsiderohet një nga duelet më të mëdha të boksit britanik, pas vitesh negociatash të dështuara për t’i sjellë dy kampionët në të njëjtin ring. Organizatorët po shqyrtojnë që ndeshja të zhvillohet në tetor në stadiumin “Wembley”.

Megjithatë, përpara kësaj supersfide, Joshua duhet të kalojë një test të rëndësishëm ndaj boksierit shqiptar Kristian Prenga më 25 korrik në Arabinë Saudite, ku një humbje mund të rrezikojë realizimin e duelit me Fury-n.

Nga ana tjetër, Fury është rikthyer së fundmi në ring pas pensionimit dhe po shqyrton edhe një tjetër ndeshje përpara sfidës së madhe me Joshua-n.

Edhe pse eventi i boksit shpesh shoqërohet me performanca muzikore nga artistë të njohur, mungesa e Dua Lipës nuk pritet të ndikojë në interesin e madh global, pasi Joshua–Fury konsiderohet një nga ngjarjet më të mëdha sportive të vitit 2026. /CNA





Lajmet e fundit nga