web counter
LEXO PA REKLAMA!

SHKARKO APP

App Store
Google Play

Babai i Selin e quajti “pervers”/ Miri flet për herë të parë pas përfundimit të BBVA 5

23 Prill 2026, 18:39, Lifestyle CNA

Babai i Selin e quajti “pervers”/ Miri flet për herë

Armir Shahini, finalisti i “Big Brother VIP 5” ka folur ditën e sotme lidhur me rrugëtimin e tij brenda shtëpisë. 

Në një intervistë në Top Channel, Miri ka komentuar deklaratën e bujshme të babait të Selin Bollatit i cili e cilësoi atë si "pervers". Me këtë deklaratë finalisti u njoh në momentin që hapi Kutinë e Pandorës, kur ishte brenda shtëpisë.  

Miri tha se perceptimi i babait të Selin ishte i gabuar dhe i ndikuar nga komentet jashtë shtëpisë dhe gjykimet e banorëve brenda shtëpisë.

“Unë do thoja këtë që Big Brother është një realitet real dhe surreal, sepse përballesh me emocione shumë të kundërta. Isha në një moment që kisha surprizën me vajzën dhe më pas pata një surprizë të hidhur me një perceptim, me një deklaratë të fortë të babait të Selin që për mua është një perceptim i gabuar, duke u ndikuar, mendoj shumë, nga komentet dhe gjykimet e banorëve që ishin pjesëtarë të shtëpisë dhe nga komentet jashtë asaj shtëpie. Deklarata e tij mund të ketë ardhur edhe në një moment për të mbrojtur fëmijën e tij, ndoshta edhe unë në vendin e tij do kisha bërë të njëjtën gjë, por nuk do isha nxitur të akuzoj një njeri që nuk ka fakte. Nëse ti do gjykosh edhe akuzosh dikë, duhet të kesh fakte. Të gjykohesh nëpërmjet perceptimit për mua nuk është mirë, se krijohet një debat nga asgjëja. Unë jam shumë pro situatave kur aty vërtetohen gjërat. Unë deklaratën time e kam dhënë dhe s’dua t’i kthehem më asaj gjëje. Nëse unë do ndryshoja qëndrim, i bie që unë po pranoja që ajo është perceptuar. Nëse ai e ka parë ashtu, duhet t’i thoshte vajzës së tij “largohu”. Pse duhet të largohesha unë? Ne ishim në lojë, ishim në Big Brother" tha Miri. /CNA





Lajmet e fundit nga