web counter
LEXO PA REKLAMA!

SHKARKO APP

App Store
Google Play

Udhëzuesi i thjeshtë për çdo stinë/ Ja si të zgjidhni aromën e duhur për veten

19 Prill 2026, 16:15, Lifestyle CNA

Udhëzuesi i thjeshtë për çdo stinë/ Ja si të

Kur qëndroni para rafteve me parfume, termat si 'Eau de Parfum', 'Eau de Toilette' apo 'Cologne' mund të duken konfuzë, por në fakt bëhet fjalë për koncentrimin e vajrave aromatike në çdo lloj aromë, që përcakton fuqinë dhe kohëzgjatjen e saj.

Parfumi- Forma më e pasur dhe më e përqendruar e aromës. Ka vajra aromatikë në nivele shumë të larta, shpesh që zgjasin më shumë se 6 orë me nota të thella dhe intensive. Është ideale për mbrëmje ose raste kur dëshironi një prezencë të fortë aromatike.

Eau de Parfum (EDP) – Një zgjedhje shumë e balancuar për përdorim të përditshëm ose ngjarje speciale. Normalisht zgjat rreth 4–6 orë, me një zhvillim harmonik gjatë ditës.

Eau de Toilette (EDT) – Më e lehtë dhe diskrete, e përshtatshme për ditë pune ose përdorim casual. Nuk qëndron aq gjatë sa EDP, por mund të riaplikohet lehtë.

Eau de Cologne (EDC) – Aromë më freskuese dhe me jetë më të shkurtër, shpesh me nota citrusësh apo bimësh aromatike, perfekte për ditët e nxehta të verës ose një prekje të freskët midis ditës.

Eau Fraîche – Edhe më e lehtë dhe delikate, pothuajse transparente, e mirë për lëkura shumë të ndjeshme ose kur dëshironi një aromë shumë të butë, pa ndjesi të fortë alkooli.

Parfumi Vajor– Vaji aromatik që lidhet më fort me lëkurën, zgjat shumë dhe krijon një ndjesi të ngrohtë dhe sensual në zonat e pulsit.

Sa më i lartë të jetë përqendrimi i vajrave aromatike, aq më e fortë dhe më e qëndrueshme është aroma. Më e rëndësishmja është të zgjidhni aromëm që ju përshtatet më shumë me lëkurën tuaj./CNA 

 





Lajmet e fundit nga