web counter
LEXO PA REKLAMA!

SHKARKO APP

App Store
Google Play

"Fishkëllimat gjatë performancës së Izraelit nuk do të mbulohen"/ Vendimi i Austrisë për Eurovision 2026

17 Dhjetor 2025, 13:52, Lifestyle CNA

"Fishkëllimat gjatë performancës së Izraelit nuk do

Austria ka ndarë vendimet e saj përpara festivalit europian të këngës Eurovision 2026, duke sqaruar se të gjithë flamujt zyrtarë do të lejohen në publik dhe se fishkëllimat apo brohorimat e njerëzve nuk do të mbulohen me duartrokitje artificiale.

Të martën, më 16 dhjetor, producenti ekzekutiv i konkursit, Michael Krenn, sqaroi se nuk do ta ndalojë flamurin palestinez në publik, as nuk do t'i mbulojë fishkëllimat gjatë performancës së Izraelit me duartrokitje artificiale, ndryshe nga ajo që ka ndodhur në konkurset e mëparshme.

“Ne do të lejojmë të gjithë flamujt zyrtarë që ekzistojnë në botë, për sa kohë që ato përputhen me ligjin dhe plotësojnë kushte të caktuara, siç janë madhësia dhe rregullat e sigurisë. Ne nuk do ta zbukurojmë situatën ose nuk do të shmangim shfaqjen e asaj që po ndodh, sepse detyra jonë është t’i paraqesim gjërat ashtu siç janë”, tha Krenn.

"Ne nuk do të vendosim duartrokitje artificiale në asnjë moment", tha drejtoresha e programit të ORF, Stephanie Grois Horowitz.

Festivali i 70-të i Eurovision-it, që do të mbahet në Vjenë në maj të 2026, do të zhvillohet me vetëm 35 pjesëmarrës, pasi pesë vende, përfshirë Spanjën, Irlandën dhe Holandën, vendosën ta bojkotojnë konkursin në shenjë proteste ndaj pjesëmarrjes së Izraelit.

Një institucion tradicionalisht i lidhur me muzikën, diversitetin dhe spektaklin argëtues ka qenë në qendër të një debati të ashpër diplomatik, me vendet që argumentojnë se pjesëmarrja e Izraelit është e papajtueshme me numrin e civilëve të vrarë në Rripin e Gazës. /CNA





Lajmet e fundit nga