Një shkollë për astronautët në malet e Zvicrës

24 Tetor 2025, 17:49, Kuriozitete CNA

Një grup studentësh kaluan pushimet verore në një mal të Zvicrës për të eksperimentuar se si mund të jetë jeta brenda një baze hënore. Misionit iu bashkua edhe një grup nga Televizioni Shetëror Britanik, BBC.

Gazetari i BBC intervistoi studentët dhe u njoh me ëndrrat e disa prej tyre për t’u bërë astronautë.

"Mbaj mend kur për herë të parë po përpiqesha të kuptoja se doja të bëhesha astronaute, duke menduar: 'Si ta bëj?'", thotë Katie Mulry, një studente 24-vjeçare amerikane, që studion master në inxhinierinë hapësinore, në Institutin “Supérieur de l'Aéronautique et de l'Espace”, në Tuluzë të Francës. "Po kërkoja se në cilin universitet mund të shkoja, çfarë mund të studioja. Dhe në të vërtetë, nuk ka një rrugë të qartë."

Mulry është gjithashtu udhëheqëse projekti në “Asclepio”, iniciativa e parë dhe më e madhe ndërkombëtare hapësinore, e udhëhequr nga studentët në botë, e cila kryen misione hapësinore të simuluara çdo vit.

Një shkollë për astronautët në malet e Zvicrës

Ajo ishte pjesë e misionit të dytë “Asclepio”, në vitet 2021-22 si, një "astronaute analoge", duke kryer një mision të simuluar thellë brenda një mali zviceran. Që nga viti 2024, ajo ndihmoi në organizimin e misionit “Asclepio V”.

Në këtë mision morën pjesë 9 studentë nga e gjithë bota. Ata qëndruan më shumë se dy javë të izoluar në thellësitë e fortesës ushtarake Gotthard, dikur një bunker sekret, që ndodhet në Ticino të Zvicrës.

Një shkollë për astronautët në malet e Zvicrës

Studentët po imitojnë qëndrimin si të ishin në një bazë në Hënë. Të frymëzuar nga mitologjia greke, ata tregojnë se Apolloni ishte perëndia e Diellit, harkëtarisë, dijes, profecisë, poezisë dhe muzikës.

Legjenda thotë se ai fluturonte nëpër qiell me qerren e tij të artë, të tërhequr nga kuajt. Ky vizion elegant frymëzoi në vitin 1960, Abe Silverstein, Drejtorin e Zhvillimit të Fluturimeve Hapësinore në NASA,për t'i dhënë emrin “Apolloni”, programit të fluturimeve hapësinore me njerëz, me qëllim arritjen e Hënës.

Një shkollë për astronautët në malet e Zvicrës