web counter
LEXO PA REKLAMA!

SHKARKO APP

App Store
Google Play

620 vjet më parë/ Përkujtohet lindja e Skënderbeut, heroit tonë kombëtar

6 Maj 2025, 13:31, Kuriozitete CNA

620 vjet më parë/ Përkujtohet lindja e Skënderbeut, heroit

Përkujtohet sot 620-vjetori i lindjes së heroit kombëtar të Shqipërisë.

Gjergj Kastrioti ka lindur më 1405 dhe ishte një anëtar i familjes fisnike të Kastriotëve dhe udhëheqës ushtarak, që në fillim luftoi për Perandorinë Osmane dhe më pas udhëhoqi disa kryengritje kundër saj.

Njëri nga djemtë e familjes fisnike të Kastriotëve u rrëmbye në moshën 9-vjeçare nga Perandoria Osmane dhe u dërgua në oborrin e saj. Fëmijëria e tij kaloi me sfida duke u mbijetuar politikave dhe intrigave të oborrit osman, dhe duke u arsimuar. Njohur për ekselencën dhe zgjuarsinë e tij ai më pas hyri në shërbim të Sulltanit për njëzet vitet e ardhshme. U ngrit sipas gradave duke u bërë deri Sanxhakbej i Sanxhakut të Dibrës në vitin 1440.

620 vjet më parë/ Përkujtohet lindja e Skënderbeut, heroit

Më 1443, pas një planifikimi të gjatë dhe mbledhjes së djemve të tjerë bashkëkombës dezertoi ushtrinë osmane gjatë betejës së Nishit dhe u bë sundimtar i Krujës, në një territor nga Petrela deri në Modriç. Në vitin 1444, ai themeloi Lidhjen e Lezhës me mbështetjen e fisnikërisë së kohës.

Në vitin 1451, Skënderbeu nënshkroi traktatin e Gaetës, ku njohu sovranitetin de jure të Mbretërisë së Napolit mbi Arbërinë, duke siguruar një aleancë mbrojtëse, edhe pse mbeti një sundimtar i pavarur.

620 vjet më parë/ Përkujtohet lindja e Skënderbeut, heroit

Në vitet 1460–'61 mbështeti Ferdinandin I të Napolit në luftërat kundër Gjonit II të Anzhuinëve. Në vitin 1463 u bë komandanti kryesor i forcave kryqtare të Papa Piut II, por Papa vdiq ndërsa ushtritë ende po mblidheshin. Së bashku me venedikasit luftoi kundër osmanëve gjatë Luftës osmano–venedikase të viteve 1463–'79, deri në vdekjen e tij në janar të vitit 1468.

Skënderbeu shquhet si një ndër komandantët më të rëndësishëm të historisë ushtarake të kohës së tij, si më këmbëngulësi dhe përherë fitimtari kundër Perandorisë Osmane në kulmin e saj./CNA





Lajmet e fundit nga