web counter
LEXO PA REKLAMA!

SHKARKO APP

App Store
Google Play

E fundit!

x

Zbulimi i ri nga NASA/ Gjendet nga anija kozmike asteroidi prej 8 kilometrash

30 Prill 2025, 22:50, Kuriozitete CNA

Zbulimi i ri nga NASA/ Gjendet nga anija kozmike asteroidi prej 8 kilometrash

Anija kozmike Lucy e NASA-s bëri një fluturim të suksesshëm pranë asteroidit të dytë më të rëndësishëm në listën e saj gjatë fundjavës, duke dërguar imazhe që demonstrojnë formën e tij të çuditshme, raporton Science Alert.

Asteroidi Donaldjohanson, i emëruar sipas antropologut që zbuloi Lucy-n, fosilin më të famshëm hominid, përshkruhet nga NASA si një sistem i zgjatur me kontakt të dyfishtë, dy trupa qiellorë që janë bashkuar së bashku, me kreshta në qafën e tij të ngushtë.

"Asteroidi Donaldjohanson ka një gjeologji çuditërisht komplekse",-tha shkencëtari planetar Hal Levison, hetuesi kryesor i misionit Lucy.

Imazhet konfirmuan se është një asteroid i formuar nga përplasja dhe bashkimi i dy trupave qiellorë më të vegjël.

"Ndërsa studiojmë strukturat e saj komplekse në detaje, do të zbulohen informacione të rëndësishme rreth blloqeve ndërtuese dhe proceseve të përplasjes që formuan planetët e sistemit tonë diellor",-theksoi ai.

Zbulimi i ri nga NASA/ Gjendet nga anija kozmike asteroidi prej 8 kilometrash

Donaldjohanson është disi më i madh nga sa mendohej më parë, rreth 8 kilometra i gjatë dhe 3.5 kilometra i gjerë në pikën e tij më të gjerë.

Lucy iu afrua Donaldjohansonit rreth 960 kilometra të dielën e Pashkëve, më 20 prill, duke bërë imazhe çdo dy sekonda.

Studiuesit besojnë se dy takimet e Lucy-t në rripin kryesor të asteroideve, i cili shtrihet midis orbitave të Marsit dhe Jupiterit, janë vetëm ngrohje për pjesën kryesore të misionit, i cili i kushtoi NASA-s 989 milionë dollarë, një studim i detajuar i asteroideve të njohura si Trojanët e Jupiterit.

Asnjë anije kozmike nuk i është afruar ndonjëherë një asteroidi të tillë./CNA





Lajmet e fundit nga