Zjarr në një pallat në Astir/ 8 persona të lënduar dhe 4 makina të shkrumbuara nga flakët

21 Qershor 2022, 08:29, Kronika CNA
Zjarr në një pallat në Astir/ 8 persona të lënduar dhe
Foto ilustruese

Një pallat në zonën e Astirit është përfshirë nga flakët në orët e para të mëngjesit të sotëm. Si pasojë e zjarrit janë lënduar tetë banorë të cilët kanë marrë mjekim.

Pasi kanë marrë ndihmën mjekësore janë larguar nga spitali. Sipas policisë zjarri ka shpërthyer në garazhin e pallatit, në rrugën “Aleksandri i Maqedonisë”, ku janë djegur edhe 4 automjete. 

Njoftimi i policisë

Më datë 21.06.2022, në Unazë të Re, në rrugën “Aleksandri i Maqedonisë”, në orët e para të mëngjesit ka rënë zjarr në një garazh dhe janë djegur 4 automjete.

Si pasojë e zjarrit, janë dëmtuar lehtë dhe kanë shkuar për mjekim në spital shtetasit A. Xh., 28 vjeçe, F. J., 23 vjeçe, D. J., 27 vjeçe, I. Xh., 31 vjeçe, E. Xh., 27 vjeç, E. K., 35 vjeçe, M. B., 48 vjeçe dhe N. B., 50 vjeç, të cilët pasi kanë marrë ndihmën e parë mjekësore, janë larguar.

Grupi hetimor po punon për sqarimin e rrethanave të ngjarjes.

Lajmet e fundit nga