web counter
LEXO PA REKLAMA!

SHKARKO APP

App Store
Google Play

Vrasja në Astir/ Akuzat që rëndojnë mbi 25-vjeçarin, në pranga shoku i viktimës

25 Gusht 2024, 13:35, Kronika CNA

Vrasja në Astir/ Akuzat që rëndojnë mbi 25-vjeçarin,

Policia ka publikuar detaje në lidhje me ngjarjen e mbrëmshme në zonën e Astirit në kryeqytet, ku mbeti i vrarë Amarildo Hoxhallari.

Uniformat blu bëjnë me dije se D. K., 25 vjeç, akuzohet për veprat penale "Vrasja me dashje" dhe "Prodhimi, mbajtja, blerja apo shitja pa leje e armëve të ftohta". 

Në prangat e policisë ka rënë edhe A. M., 33 vjeç, për veprën penale "Drejtimi i automjeteve në mënyrë të parregullt". Ky i fundit ishte drejtuesi i motomjetit ku ndodhej 34-vjeçari që ka ndërruar jetë. 

Njoftimi i policisë:

Specialistët e Sektorit për Hetimin e Krimeve të Rënda arrestuan shtetasin D. K., 25 vjeç, banues në Tiranë, për veprat penale "Vrasja me dashje" dhe "Prodhimi, mbajtja, blerja apo shitja pa leje e armëve të ftohta", parashikuar nga nenet 76 dhe 279 të Kodit Penal, dhe shtetasin A. M., 33 vjeç, banues në Tiranë, për veprën penale "Drejtimi i automjeteve në mënyrë të parregullt", parashikuar nga neni 291 i Kodit Penal. 

Shtetasi D. K., ditën e djeshme, në Unazë të Re, ka goditur me mjet prerës shtetasin A. H., 34 vjeç, i cili si pasojë e plagëve të marra ka humbur jetën në spital, ndërsa shtetasi A. M., drejtuesi i motomjetit ku ndodhej 34-vjeçari që ka ndërruar jetë, ka rezultuar se drejtonte motomjetin në gjendje të dehur./CNA 





Lajmet e fundit nga