web counter
LEXO PA REKLAMA!

SHKARKO APP

App Store
Google Play

Zaptuan hapsirën publike/ Policia liron një nga plazhet më të bukura të Shqipërisë

24 Gusht 2024, 19:51, Kronika CNA

Zaptuan hapsirën publike/ Policia liron një nga plazhet më

Policia e Himarës ka proceduar penalisht 12 shtetas, të cilët zaptuan hapësirën publike në plazhin e Krorëzës.

Sipas uniformave blu pronarët në fjalë kishin ndërtuar pa leje 12 objekte të përshtatura si beach bare, nga ku ofroheshin shërbime dhe produkte pa lëshuar kupona tatimorë, duke fshehur të ardhurat dhe shmangur taksat.

Policia ka sekuestruar 300 çadra dhe 480 shezlongë, ndërkohë që materialet iu kaluan Prokurorisë për veprime të mëtejshme.

“Në kuadër të planit operacional për kontrollin dhe lirimin e hapësirave bregdetare të zaptuara në mënyrë të kundërligjshme, Seksioni për Hetimin e Krimeve në Komisariatin e Policisë Himarë referoi materialet në Prokurori, ku nisi procedimi penal për 12 shtetas: B. I., 34 vjeç, A. L., 34 vjeç, V. A., 34 vjeç, A. I., 71 vjeç, I. H., 51 vjeç, E. R., 52 vjeç, A. K., 62 vjeç, Dh. M., 51 vjeç, A. T., 44 vjeç, A. R., 68 vjeç, Dh. K., 69 vjeç dhe M. V., 25 vjeç, të gjithë banues në Sarandë

Shërbimet e Policisë, në bashkëpunim me Policinë Bashkiake Himarë, kanë konstatuar në hapësirën e zaptuar, në mënyrë të paligjshme nga këta shtetas, 12 struktura druri të ndërtuara pa leje, si dhe 300 çadra dhe 480 shezlongë të vendosura, të cilat janë hequr, duke liruar hapësirën publike në plazhin “Krorëz”.

Gjithashtu, nga verifikimet e kryera ka rezultuar se në këto subjekte me fushë veprimtarie lokal/beach bar, ofroheshin shërbime dhe produkte pa lëshuar kupona tatimorë.

Operacionet policore “Coastline” dhe “Plazhi i Lirë” do të vijojnë intensivisht në qarkun Vlorë”, thuhet në njoftimin e policisë./ CNA





Lajmet e fundit nga