web counter
LEXO PA REKLAMA!

SHKARKO APP

E fundit!

x

Vodhi biznesin ku punonte si kamerier, vihet në pranga 35-vjeçari

12 Janar 2026, 11:46, Kronika CNA

Vodhi biznesin ku punonte si kamerier, vihet në pranga 35-vjeçari

Policia e Tiranës ka vënë në pranga një 35-vjeçar, me inicialet J. N., i cili vodhi shuma parash në subjektin ku ishte i punësuar si kamerier. Gjatë kontrollit fizik iu gjet dhe sekuestrua një pjesë e shumës së vjedhur.

“Specialistët për Hetimin e Krimeve të Komisariatit të Policisë Nr. 4, në vijim të punës për parandalimin dhe goditjen e paligjshmërisë në fushën e vjedhjes së pronës dhe pasurisë, si dhe për identifikimin dhe vënien përpara përgjegjësisë penale të autorëve, pas kallëzimit të bërë nga menaxheri i një lokali për vjedhje të shumave të parave në subjektin e tij, kanë organizuar menjëherë punën hetimore.

Si rezultat i një pune të mirëorganizuar dhe këqyrjes së pamjeve filmike, u identifikua dhe u arrestua shtetasi J. N., 35 vjeç, banues në Tiranë.

Nga hetimet rezultoi se ky shtetas, ditën e djeshme, ka vjedhur shuma parash në subjektin ku ishte i punësuar si kamarier, një pjesë e të cilave u sekuestruan në cilësinë e provës materiale.

Materialet procedurale iu referuan Prokurorisë për veprime të mëtejshme”, njofton policia./ CNA





Lajmet e fundit nga