web counter
LEXO PA REKLAMA!

SHKARKO APP

App Store
Google Play

E fundit!

x

U arrestua për vjedhje dhe marrëdhënie me të mitur/ Simon Gjoka dënohet me 12 vite burg

20 Tetor 2025, 11:36, Kronika CNA

U arrestua për vjedhje dhe marrëdhënie me të mitur/ Simon

Gjykata e Lezhës ka dënuar me 12 vite burg Simon Gjokën, 38-vjeçarin nga Miloti, i cili fillimisht u arrestua në shkurt të këtij viti për vjedhje bagëtish, ndërsa gjatë hetimeve u zbulua se kishte pasur marrëdhënie me një vajzë të mitur.

Prokuroria kërkoi dënimin e tij me 18 vite burg, por duke përfituar uljen e 1/3 së dënimit për gjykim të shkurtuar, Gjoka do të vuajë 12 vite heqje lirie për akuzat “Vjedhje e kryer në bashkëpunim” dhe “Marrëdhënie seksuale me të mitur”.

Pavarësisht mohimeve të tij gjatë procesit gjyqësor, trupi gjykues e shpalli fajtor në të dyja veprat penale.

Në dëshminë e vajzës 13-vjeçare, e marrë në prani të nënës dhe psikologut, ajo ka pranuar se kishte lidhje me 38-vjeçarin dhe se gjithçka kishte ndodhur me dëshirë, siç është shprehur në hetim. Ajo ka shtuar se Gjoka e kishte prezantuar me persona të tjerë, çka ngriti dyshime për shfrytëzim për prostitucion.

Në telefonin e së miturës u gjetën foto intime që i ishin dërguar të pandehurit, i cili kishte marrëdhënie miqësore me nënën e saj, një grua që shiste qirinj pranë kishës së Shna Ndout në Laç.

Simon Gjoka u arrestua në shkurt 2025, pasi hetimet zbuluan se ishte përfshirë në vjedhjen e bagëtive në fshatin Gajush dhe dyshohet po ashtu për disa raste të tjera vjedhjesh në zonat përreth./CNA





Lajmet e fundit nga