web counter
LEXO PA REKLAMA!

SHKARKO APP

App Store
Google Play

Tragjedia në Maliq/ Fqinja tregon si nisi zjarri: Vajza shpëtoi se u hodh nga dritarja

19 Tetor 2025, 15:18, Kronika CNA
Tragjedia në Maliq/ Fqinja tregon si nisi zjarri: Vajza shpëtoi se u
Pamje nga banesa e djegur

Një ngjarje e rëndë ka ndodhur mesditën e sotme në Maliq të Korçës. Nënë e bir kanë humbur jetën nga asfiksia pasi zjarri ka përfshirë banesën e tyre. Ndërkohë në gjendje të rëndë është edhe vajza e mitur.

Lidhur me ngjarjen ka folur edhe një fqinje e familjes, e cila ka dhënë detaje lidhur me arsyen e rënies së zjarrit.

Fqinja është shprehur se familja ishte me ekonomi të dobët, ndërsa ka treguar se vajza e mitur ka dalë nga dritarja dhe ka arritur të shpëtojë.

Ndërkohë djali me të ëmën janë asfiksuar dhe kanë ndërruar jetë brenda në banesë.  

"Familje punëtore, ishin me ekonomi të dobët. Babai i fëmijëve punonte, ajo mbante dy fëmijët, i ushqente me aq sa kishte mundësi. Bashkia i ndihmonte çdo muaj plus që merrnin dhe ushqime dhe ndihmë ekonomike. Vajza ishte më e vogël se djali, djali në këmbë, vajza nuk lëvizte dhe aq. Nëna nuk kujdesej shumë për fëmijët. Ne të lagjes i flisnim, i thoshim "laji, shpëlaji". E ndihmonim, çdo gjë i çonim. Si binte në qafë askujt. Të dy fëmijët ishin autikë.

Unë për momentin nuk isha por aty ajo ka një krevat sfungjeri dhe ata fëmijët trazonin zjarrin. Ka rënë zjarri aty, kishte djegur sfungjerin dhe dihet që bëri shumë tym, pa flakë. Vajza është hedhur nga dritarja, kurse ata të dy nuk mundën të dilnin. Vajzën e shpëtoi një zonjë kurse djali mbaroi me të ëmën. Doli kjo zonja rastësisht se e mora në tel për të marrë diçka. Në atë kohë dëgjoi të thirrurat dhe vajza i binte derës. I binte me shkelma. Dëgjoi komshia, doli dhe komshia tjetër dhe pastaj arritën atje ku kanë arritur.", është shprehur fqinja. /CNA





Lajmet e fundit nga