web counter
LEXO PA REKLAMA!

SHKARKO APP

App Store
Google Play

Transportonin ilegalisht 4 emigrantë/ Dy persona të arrestuar

28 Janar 2026, 12:15, Kronika CNA

Transportonin ilegalisht 4 emigrantë/ Dy persona të arrestuar

Policia e Tiranës ka goditur një rast të trafikimit të emigrantëve drejt vendeve të BE-së.

Si rezultat janë arrestuar dy persona që bashkëpunonin për të kaluar 4 emigrantë ilegalisht drejt vendeve të BE-së.

Në pranga kanë rënë A. C. dhe E. T., të cilët u kapën në aksin rrugor Tiranë-Durrës.

 

 

Njoftimi i policisë

 

Tiranë/Finalizohet pas disa javësh hetime me metoda speciale, operacioni i koduar “Relay 4”.

Transportonte drejt Kukësit, 4 emigrantë që synonin të kalonin ilegalisht në shtetet e BE-së, arrestohet 38-vjeçari.  

Vihet në pranga dhe bashkëpunëtori i tij. 

Sekuestrohen automjeti me të cilin transportoheshin emigrantët dhe 2 celularë. 

Specialistët e Seksionit për Hetimin e Trafiqeve të Paligjshme, si rezultat i hetimeve të kryera gjatë disa javëve, me metoda speciale, me qëllim dokumentimin e veprimtarisë kriminale të 2 shtetasve që bashkëpunonin për aktivitetin e dhënies ndihmë për kalim të paligjshëm të kufijve, finalizuan operacionin e koduar “Relay 4”. 

Si rezultat i operacionit u arrestuan shtetasit: A. C., 38 vjeç, banues në Tiranë dhe E. T., 35 vjeç, banues në Kukës.   

Në aksin rrugor “Tiranë-Durrës”, u ndalua automjeti me drejtues 38-vjeçarin dhe pasagjerë 4 emigrantë, të cilët po transportoheshin drejt Kukësit dhe më pas do të ndihmoheshin nga 35-vjeçari, për të kaluar ilegalisht në shtetet e BE-së. 

Në bashkëpunim me Prokurorinë, vijojnë hetimet për të identifikuar dhe nxjerrë përpara përgjegjësisë penale, shtetas të tjerë që mund të jenë përfshirë në këtë veprimtari kriminale.

Materialet procedurale iu referuan Prokurorisë së Tiranës, për veprime të mëtejshme.





Lajmet e fundit nga