web counter
LEXO PA REKLAMA!

SHKARKO APP

App Store
Google Play

E fundit!

x

Të dënuar për trafik narkotikësh/ Sekuestrohen 200 mijë euro pasuri

10 Shkurt 2026, 09:52, Kronika CNA

Të dënuar për trafik narkotikësh/ Sekuestrohen 200 mijë

Policia e Tiranës ka sekuestruar pasuritë e dy shtetasve të dënuar për trafik narkotikësh.

Konkretisht janë sekuestruar 1 apartament dhe një garazh, vlera e të cilave arrin në 200 mijë euro. Pasuritë ishin në pronësi të P. B., 63 vjeç dhe Gj. Ll. alias Sh. Ll., 44 vjeç.

63-vjeçari është dënuar në Shqipëri për trafik të lëndëve narkotike. Vepër për të cilën është dënuar gjithashtu dhe 44-vjeçari, në shtetin italian.

 

Njoftimi i policisë

 

 

Tiranë/Finalizohet operacioni i koduar “Burimi”.

Sekuestrohen pasuri me vlerë 200 000 euro, në pronësi të 2 shtetasve të dënuar për trafikim të lëndëve narkotike.

Në vijim të hetimeve intensive, të kryera nga Seksioni për Hetimin e Pastrimit të Parave dhe Aseteve Kriminale në Drejtorinë Vendore të Policisë Tiranë dhe Prokuroria e Tiranës, me objektiv gjurmimin dhe sekuestrimin e pasurive/pronave, produkte të veprimtarive kriminale brenda dhe jashtë vendit, u finalizua operacioni i koduar “Burimi”.

Në kuadër të këtij operacioni u ekzekutua vendimi i Gjykatës së Tiranës, për vënien e sekuestros preventive mbi 1 apartament në Selitë dhe 1 garazh në Selitë të Vogël, me vlerë totale rreth 200 000 euro, në pronësi përkatësisht të shtetasit P. B., 63 vjeç, i dënuar në Shqipëri për trafikim të lëndëve narkotike, dhe të shtetasit Gj. Ll. alias Sh. Ll., 44 vjeç i dënuar në Itali, për trafikim të lëndëve narkotike.

Hetimi për gjurmimin dhe sekuestrimin e aseteve të tjera, me burime kriminale, në pronësi të këtyre shtetasve dhe shtetasve të lidhur me ta, vijon./CNA





Lajmet e fundit nga