web counter
LEXO PA REKLAMA!

SHKARKO APP

App Store
Google Play

E fundit!

x

Plagosje e rëndë, drogë, vjedhje dhe përndjekje/ Arrestohen 4 shtetasit e shpallur në kërkim

8 Shkurt 2026, 11:38, Kronika CNA

Plagosje e rëndë, drogë, vjedhje dhe përndjekje/ Arrestohen

Strukturat e Drejtorisë Vendore të Policisë Tiranë finalizuan operacionin policor me kodin “Catch 4”, duke kapur dhe vënë në pranga katër shtetas të shpallur në kërkim, të dënuar ose të akuzuar për vepra të ndryshme penale.

Në kuadër të kontrolleve të ushtruara në terren dhe bazuar në informacionet operative të siguruara, specialistët për Hetimin e Krimeve nga Komisariatet e Policisë Nr. 1, 2 dhe 4, në bashkëpunim me Seksionin për Hetimin e Narkotikëve, arritën të ndalojnë personat e mëposhtëm:

G. I., 30 vjeç, i kërkuar për “Plagosje e rëndë me dashje” në bashkëpunim dhe “Prodhim dhe shitje e lëndëve narkotike”. Ky shtetas, më 1 dhjetor 2025, plagosi me mjet prerës shtetasin M. A., në rrugën “Irfan Tomini”, ndërsa gjatë kontrollit të banesës u sekuestrua një sasi cannabis sativa.

R. R., 30 vjeç, i dënuar nga Gjykata e Tiranës me 3 vjet e 4 muaj burgim për “Prodhim dhe shitje të narkotikëve”, i cili i ka mbetur për të vuajtur 1 vit, 5 muaj e 19 ditë burgim.

E. M., 19 vjeç, i shpallur në kërkim për “Vjedhje”, iu dorëzua DVP Durrës për veprime të mëtejshme, pasi Gjykata e Durrësit kishte caktuar ndaj tij masën e sigurisë “Arrest me burg”.

A. D., 22 vjeç, i kërkuar për veprat penale “Përndjekja” dhe “Largimi i të burgosurit nga vendi i qëndrimit”, ndaj të cilit ishte caktuar masa e sigurisë “Arrest me burg”

Policia e Tiranës njoftoi se operacioni “Catch 4” u realizua me sukses falë bashkëpunimit mes strukturave të ndryshme policore dhe përmbushjes së detyrës ligjore për kapjen e personave të shpallur në kërkim, duke garantuar rendin dhe sigurinë publike.

 

Njoftimi i policisë

Finalizohet operacioni policor “Catch 4” për kapjen e shtetasve të shpallur në kërkim. Kapen 4 shtetas në kërkim, të dënuar ose të akuzuar për vepra të ndryshme penale.

Strukturat e DVP Tiranë, si rezultat i kontrolleve të ushtruara në terren, bazuar në informacionet e siguruara në rrugë operative, në kuadër të operacionit policor “Catch”, kapën dhe vunë në pranga 4 shtetas të shpallur në kërkim, konkretisht:

-Specialistët për Hetimin e Krimeve të Komisariatit të Policisë Nr. 2 kapën dhe ndaluan shtetasin G. I., 30 vjeç, pasi Prokuroria kishte lëshuar urdhër ndalimi për të, për veprat penale “Plagosje e rëndë me dashje”, e kryer në bashkëpunim, dhe “Prodhim dhe shitje e lëndëve narkotike”. Ky shtetas, më datë 01.12.2025, në rrugën “Irfan Tomini”, në bashkëpunim me shtetasin E. U. (i arrestuar në flagrancë), ka plagosur me mjet prerës shtetasin M. A.Gjithashtu, gjatë kontrollit të banesës së shtetasit G. I., ditën e ngjarjes, shërbimet e Policisë i gjetën dhe sekuestruan një sasi lënde të dyshuar narkotike cannabis sativa.

-Specialistët për Hetimin e Krimeve të Komisariatit të Policisë Nr. 2, në bashkëpunim me Seksionin për Hetimin e Narkotikëve, kapën dhe ndaluan shtetasin R. R., 30 vjeç. Ky shtetas është dënuar nga Gjykata e Tiranës me 3 vjet e 4 muaj burgim, për veprën penale “Prodhim dhe shitje e narkotikëve”. Nga ky dënim, i kanë mbetur për të vuajtur 1 vit, 5 muaj e 19 ditë burgim.

-Specialistët për Hetimin e Krimeve të Komisariatit të Policisë Nr. 1 kapën shtetasin në kërkim E. M., 19 vjeç, pasi Gjykata e Durrësit ka caktuar ndaj tij masën e sigurisë “Arrest me burg”, për veprën penale “Vjedhja”. Ky shtetas iu dorëzua DVP Durrës, për veprime të mëtejshme.

-Specialistët për Hetimin e Krimeve të Komisariatit të Policisë Nr. 4 ekzekutuan vendimin e Gjykatës për ndalimin e shtetasit A. D., 22 vjeç, ndaj të cilit është caktuar masa e sigurisë “Arrest me burg”, për veprat penale “Përndjekja” dhe “Largimi i të burgosurit nga vendi i qëndrimit”./ CNA





Lajmet e fundit nga