web counter
LEXO PA REKLAMA!

SHKARKO APP

App Store
Google Play

E fundit!

x

Sherr në Lezhë/ Babë e bir dhunojnë komshinjtë me lopatë

24 Janar 2024, 13:22, Kronika CNA

Sherr në Lezhë/ Babë e bir dhunojnë komshinjtë me

Dy persona, babë e bir, kanë dhunuar mbrëmjen e djeshme komshinjtë e tyre, babë e bir, në Lezhë.

56-vjeçari me iniciale L. P. dhe djali i tij 30 vjeç me iniciale Z. P. janë konfliktuar për motive pronësie me fqinjin 68-vjeçar N. K. dhe 32-vjeçarin S. K.

Fillimisht ata i kanë kanosur fqinjët dhe më pas i kanë goditur me lopatë.

Për këtë ngjarje është vënë në dijeni policia, e cila ka arrestuar këtë të mërkurë 56-vjeçarin dhe ka proceduar penalisht djalin e tij.

"Kanosën dhe goditën me send të fortë, fqinjët, për shkak të konflikteve për motive pronësie, arrestohet 56-vjeçari dhe procedohet penalisht djali i tij.

Menjëherë pas kallëzimit të një 68-vjeçari, mbrëmjen e djeshme, se 2 shtetas (fqinjë të tyre) kishin kanosur dhe kishin goditur me send të fortë (lopatë), atë dhe djalin e tij, pas një konflikteve për motive pronësie, shërbimet e Komisariatit të Policisë Lezhë kanë organizuar punën për të nxjerrë përpara përgjegjësisë penale, shtetasit përgjegjës.

Për këtë rast u kap dhe u vu në pranga shtetasi L. P., 56 vjeç, si dhe u referuan materialet në Prokurori, ku nisi procedimi në gjendje të lirë për djalin e tij, shtetasin Z. P., 30 vjeç, të dy banues në fshatin Ungrej, Lezhë.

Rreth orës 19:00, të datës 23.01.2024, dyshohet se për shkak të konflikteve ndërmjet tyre, për motive pronësie, këta shtetas kanë kanosur shtetasit N. K., 68 vjeç dhe S. K., 32 vjeç, si dhe i kanë goditur ata, me një send të fortë (lopatë).

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme", thuhet në njoftimin e policisë./ CNA





Lajmet e fundit nga