web counter
LEXO PA REKLAMA!

SHKARKO APP

App Store
Google Play

Arrestohen dy punonjës të OSHEE-së në Tiranë

23 Janar 2024, 11:25, Kronika CNA
Arrestohen dy punonjës të OSHEE-së në Tiranë
Foto ilustruese

Policia e Tiranës ka arrestuar dy punonjës të OSHEE-së, A. P., 54 vjeç dhe R. K., 63 vjeç, të cilët akuzohet se i kanë marrë para një qytetari për rimbursimin e energjisë elektrike dhe ndryshimin e tarifimit për biznesin e tij furrë buke. 

Gjatë arrestimeve janë sekuestruar 500 000 lekë dhe 3 celularë. 

Njoftimi i Policisë: 

Në lidhje me rastin e transmetuar mbrëmë, në emisionin investigativ “Fiks Fare”, që bënte fjalë për 2 punonjës të OSHEE-së, të cilët i kanë marrë shuma të ndryshme parash, një shtetasi, me qëllim rimbursimin e energjisë elektrike dhe ndryshimin e tarifimit për subjektin e tij (furrë buke), ju bëjmë me dije se:

Specialistët e Seksionit për Hetimin e Krimeve Ekonomike dhe Financiare, pas publikimit të pamjeve filmike, organizuan punën në drejtimin e Prokurorisë së Posaçme Kundër Korrupsionit dhe Krimit të Organizuar, për kapjen dhe vënien përpara përgjegjësisë ligjore të shtetasve që shfaqen në video.

Në vijim të veprimeve, specialistët e Seksionit për Hetimin e Krimeve Ekonomike dhe Financiare të DVP Tiranë arrestuan shtetasit:

- A. P., 54 vjeç dhe R. K., 63 vjeç, të dy banues në Tiranë, për veprën penale "Korrupsioni pasiv i personave që ushtrojnë funksione publike".

Në cilësinë e provës materiale u sekuestruan 500 000 lekë dhe 3 celularë.

Materialet procedurale i kaluan Prokurorisë së Posaçme Kundër Korrupsionit dhe Krimit të Organizuar, për veprime të mëtejshme.

Drejtoria Vendore e Policisë Tiranë falënderon emisionin investigativ "Fiks Fare", mediat dhe qytetarët, që denoncojnë rastet e paligjshmërisë dhe i fton sërish ata që të denoncojnë çdo rast paligjshmërie, në numrin 112, duke iu garantuar anonimat të plotë dhe reagim të menjëhershëm e të paanshëm./CNA





Lajmet e fundit nga