web counter
LEXO PA REKLAMA!

SHKARKO APP

App Store
Google Play

Sekuestrohen 82 mijë euro në Portin e Durrësit/ Arrestohen 2 persona

10 Gusht 2023, 12:10, Kronika CNA

Sekuestrohen 82 mijë euro në Portin e Durrësit/ Arrestohen 2

Policia ka zbuluar dhe sekuestruar shumën prej 82 550 eurosh, para të cilat, shtetasit me inicialet G. L. dhe V. E., tentuan t’i fusin në vendin tonë, pa i deklaruar ato, nëpërmjet një autobusi.

Blutë njoftojnë se këto dy shtetas janë arrestuar.

Ky zbulim nga ana e policisë vjen në kuadër të operacionit "Fluksi 2".

"Në PKK Port Durrës, është finalizuar operacioni policor i koduar “Fluksi 2”, i cili u mbeshtet në informacionet e siguruara nga inteligjenca policore, si dhe u bazua në analizën e riskut. Në kuadër të këtij operacioni, shërbimet e Policisë Kufitare, në hyrje të vendit, kaluan në vijë të dytë, për kontroll të imtësishëm, autobusin e linjës “Durrës-Bari-Durrës”, shoferë të të cilit ishin shtetasit G. L. dhe V. E.

Gjatë kontrollit të ushtruar në këtë autobus, i kryer duke përdorur metoda bashkëkohore, shërbimet e Policisë gjetën dhe sekuestruan në cilësinë e provës materiale 82 550 euro, të cilat këta shtetas tentonin t’i futnin në vendin tonë, pa i deklaruar në pkk, konform ligjeve në fuqi.

Në vijim të veprimeve procedurale për këtë rast, u arrestuan në flagrancë shtetasit G. L., 43 vjeç dhe V. E., 52 vjeç, të dy banues në Elbasan."/CNA





Lajmet e fundit nga