web counter
LEXO PA REKLAMA!

SHKARKO APP

App Store
Google Play

E fundit!

x

Punonjësi humbi jetën në Vlorë/ Arrestohen bashkëpronari i pallatit dhe administratori i firmës së ndërtimit

18 Maj 2023, 20:17, Kronika CNA

Punonjësi humbi jetën në Vlorë/ Arrestohen

Një 60-vjeçar në Vlorë humbi jetën mesditën e sotme, pasi ra nga lartësia e një pallati në ndërtim, ku po punonte.

Për ndarjen nga jeta të shtetasit me iniciale A.P, ka dalë me një njoftim zyrtar policia e Vlorës.

Blutë bëjnë me dije se për këtë ngjarje kanë vënë në pranga dy persona. Është arrestuar bashkëpronari i pallatit që po ndërtohej, shtetasi me iniciale M.H., pasi është verifikuar se punimet po kryeheshin pa leje.

Gjithashtu, në pranga ka rënë edhe 53 vjeçari A.K., me detyrë administrator dhe drejtues teknik i firmës që po ndërtonte pallatin.

Njoftimi i policisë:

Specialistët për Hetimin e Krimeve të Komisariatit të Policisë Vlorë, në përfundim të veprimeve hetimore të kryera në drejtimin e Prokurorisë, për ngjarjen e ndodhur ditën e sotme, në lagjen “Uji i Ftohtë”, ku dyshohet se aksidentalisht ra nga lartësia e pallatit në të cilin ishte duke punuar, shtetasi A. P., 60 vjeç, i cili për pasojë humbi jetën, arrestuan shtetasit:

-M. H., 70 vjeç, banues në Vlorë, bashkëpronar i pallatit që po ndërtohej, për veprën penale “Ndërtimi i paligjshëm” me pasoja të rënda, me qëllim fitimi, pasi nga verifikimet e kryera ka rezultuar se punimet në këtë pallat po kryheshin pa lejen e organeve kompetente;

-A. K., 53 vjeç, me detyrë administrator dhe drejtues teknik i firmës që po ndërtonte këtë pallat, banues në Vlorë, për veprat penale “Ndërtimi i paligjshëm” me pasoja të rënda, me qëllim fitimi dhe “Shkelja e rregullave të mbrojtjes në punë”.

Materialet procedurale i kaluan Prokurorisë, për veprime të mëtejshme hetimore./ CNA.al





Lajmet e fundit nga