web counter
LEXO PA REKLAMA!

SHKARKO APP

App Store
Google Play

E fundit!

x

Prerja e paligjshme e pyjeve/ Procedohen penalisht 5 shtetas në Elbasan

26 Maj 2022, 16:14, Kronika CNA

Prerja e paligjshme e pyjeve/ Procedohen penalisht 5 shtetas në Elbasan

Pesë persona janë proceduar penalisht ditën e sotme në Elbasan për vepra penale të ndryshme.

Tre prej tyre akuzohen për prerje të paligjshme të pyjeve, 1 për ndërtim të paligjshëm dhe 1 për ndotje të ajrit, ujërave dhe të tokës. 

Ja njoftimi i plotë, DVP Elbasan

Vijon puna për parandalimin, evidentimin dhe goditjen e krimeve mjedisore. Goditen 5 raste, nga të cilët: 3 për prerje të paligjshme të pyjeve, 1 për ndërtim të paligjshëm dhe 1 për ndotje të ajrit, ujërave dhe të tokës.

Procedohen penalisht në gjendje të lirë 5 shtetas. Specialistët për Hetimin e Krimeve të Komisariateve të Policisë Elbasan, Cërrik dhe Gramsh, në vijim të punës për goditjen e paligjshmërisë në fushën e krimeve mjedisore, kanë evidentuar edhe 5 raste të tjera të kësaj veprimtarie. Si rezultat, u referuan materialet në Prokurori dhe filloi procedimi penal në gjendje të lirë për shtetasit:

-V. P., 46 vjeç, banues në lagjen “Emin Matraxhiu”, Elbasan; S. I., 46 vjeç, banues në fshatin Shtërmen, Cërrik dhe K. S., 53 vjeç, banues në fshatin Grabovë e Sipërme, Gramsh, për veprën penale "Prerja e paligjshme e pyjeve", pasi janë kapur duke transportuar lëndë drusore, pa dokumentet përkatëse;

-O. Xh., 34 vjeç, banues në lagjen “Qemal Stafa”, Elbasan, për veprën penale "Ndotja e ajrit, e ujërave dhe e tokës", pasi dyshohet se, në mobilerinë në pronësi të tij, ka djegur disa mbetje tallashi, duke ndotur ambientin.

Gjithashtu, gjatë kontrollit të territorit, u konstatua duke kryer punime pa leje, në banesë, shtetasi Sh. K., 62 vjeç, banues në fshatin Çepë, Belsh. Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme.

 





Lajmet e fundit nga