web counter
LEXO PA REKLAMA!

SHKARKO APP

App Store
Google Play

Plagosje e trefishtë në Tiranë/ 32-vjeçari qëllon me armë në festë

23 Korrik 2024, 09:11, Kronika CNA
Plagosje e trefishtë në Tiranë/ 32-vjeçari qëllon me
Foto ilustruese

Një plagosje e trefishtë ka ndodhur në orët e para të mëngjesit të kësaj të marte në Tiranë.

Gjatë një feste në një lokal në Rrugën e Kavajës, 32-vjeçari me iniciale E. E. ka bërë shkrepje të pavullnetshme të armës, të cilën e mbante me vete pa leje.

Si pasojë, kanë mbetur të plagosur shtetasit E. P., 36 vjeçe, A. P., 36 vjeç, dhe D. P., 34 vjeç.

3 të plagosurit janë dërguar në spital, ndërsa dy prej tyre po marrin ende ndihmë mjekësore dhe fatmirësisht janë jashtë rrezikut për jetën.

Konkretisht, ngjarja është regjistruar rreth orës 01:30, ndërsa festa ishte e përbërë nga persona të afërt të një rrethi shoqëror dhe familjar.

Njoftimi i policisë:

Më datë 23.07.2024, rreth orës 01:35, janë paraqitur në një spital privat, për ndihmë mjekësore, shtetasit E. P., 36 vjeçe, A. P., 36 vjeç, dhe D. P., 34 vjeç, me dëmtime të shkaktuara dyshohet nga armë zjarri.

Këta shtetas, rreth orës 01:30 të mëngjesit të sotëm, kanë qenë duke festuar së bashku me persona të tjerë nga rrethi i tyre shoqëror dhe familjar, në një lokal në Rrugën e Kavajës.

Nga tërësia e veprimeve hetimore paraprake është bërë i mundur identifikimi i autorit të dyshuar, shtetasit E. E., 32 vjeç, banues në Tiranë. Ky shtetas dyshohet se aksidentalisht, me një armë zjarri të cilën e mbante pa leje, ka bërë një shkrepje të pavullnetshme, dhe si pasojë e saj janë dëmtuar shtetasit e mësipërm.

Shtetasit D. P., dhe A. P., pas marrjes së ndihmës mjekësore janë larguar për në banesë, ndërsa shtetasja E. P., ndodhet në spital, nën kujdesin e mjekëve, jashtë rrezikut për jetën.

Grupi hetimor, nën drejtimin e Prokurorisë, po vijon punën për dokumentimin e plotë ligjor të këtij rasti dhe kapjen e shtetasit E. E./ CNA





Lajmet e fundit nga