web counter
LEXO PA REKLAMA!

SHKARKO APP

App Store
Google Play

E fundit!

x

Plagosja e trefishtë në Tiranë/ Shpallet në kërkim 32-vjeçari, arrestohen dy persona

23 Korrik 2024, 14:52, Kronika CNA
Plagosja e trefishtë në Tiranë/ Shpallet në kërkim
Policia e Tiranës

Policia e Tiranës ka dhënë të tjera detaje në lidhje me plagosjen e trefishtë që ndodhi në kryeqytet në orët e para të mëngjesit. 

Uniformat blu bëjnë se është shpallur në kërkim shtetasi E. E., 32 vjeç, për veprën penale "Plagosja e rëndë me dashje". 

Ndërkohë janë arrestuar shtetasit A. D., 38 vjeç, dhe D. Z., 35 vjeç për veprën penale "Veprime që pengojnë zbulimin e së vërtetës". 

Nga hetimet rezultoi se dy të arrestuarit i kanë marrë armën e zjarrit 32-vjeçarit dhe më pas e kanë fshehur atë, me qëllim pengimin e zbulimit të vërtetës. 

Njoftimi i policisë: 

Në vijim të informacionit paraprak të dhënë mëngjesin e sotëm, ju informojmë se:

Në vijim të veprimeve të shpejta hetimore, nga Sektori për Hetimin e Krimeve të Rënda në DVP Tiranë, është bërë i mundur dokumentimi i plotë i autorësisë së ngjarjes, dhe si rezultat:

- u shpall në kërkim shtetasi E. E., 32 vjeç, për veprën penale "Plagosja e rëndë me dashje", parashikuar nga neni 88/2 i Kodit Penal;
- u arrestuan shtetasit A. D., 38 vjeç, dhe D. Z., 35 vjeç, të dy banues në Tiranë, për veprën penale "Veprime që pengojnë zbulimin e së vërtetës", kryer në bashkëpunim, parashikuar nga neni 301/25 i Kodit Penal.

Gjithashtu, gjatë kryerjes së veprimeve procedurale, si dhe këqyrjes së kamerave të sigurisë, është bërë e mundur gjetja e armës së zjarrit pistoletë TT, e cila dyshohet se është përdorur gjatë ngjarjes.

Pas kryerjes së krimit nga shtetasi E. E., dy të arrestuarit, i kanë marrë armën e zjarrit dhe më pas e kanë fshehur atë, me qëllim pengimin e zbulimit të veprës penale dhe të autorit të saj./CNA 





Lajmet e fundit nga