web counter
LEXO PA REKLAMA!

SHKARKO APP

App Store
Google Play

Pije alkoolike kontrabandë/ Vihet në pranga 53-vjeçari, procedohen 3 doganierë në Kapshticë

7 Qershor 2025, 10:12, Kronika CNA

Pije alkoolike kontrabandë/ Vihet në pranga 53-vjeçari,

Policia ka finalizuar operacionin “Drinks” në kuadër të të cilit është goditur një rast i kontrabandës së pijeve alkoolike.

Gjatë operacionit, në aksin rrugor “Kapshticë – Blilisht”, efektivët kanë ndaluar 53-vjeçarin A. Ll., të cilit gjatë kontrollit në automjet iu gjet një sasi pijesh alkoolike e të dyshuara se janë futur nga Greqia të padoganuara.

Në lidhje me rastin janë proceduar penalisht dhe tre diganierë, të dyshuar për shpëërdorim detyre.

 

Njoftimi i policisë

Korçë/Finalizohet nga Sektori për Hetimin e Krimeve Ekonomike dhe Financiare, operacioni policor    "Drinks", për goditjen e kontrabandës së pijeve alkoolike.    

U kap në flagrancë në aksin rrugor “Kapshticë – Blilisht”, duke transportuar me automjet pije alkoolike  që i kishin  futur kontrabandë nga Greqia, arrestohet 1 shtetas.    

Procedohen penalisht 3 punonjës të Degës Doganore Kapshticë, për veprën penale "Shpërdorimi i detyrës". 

Sekuestrohen pijet alkoolike dhe  automjeti.

Specialistët e Seksionit për Hetimin e Krimeve Ekonomike dhe Financiare, në vijim të punës për parandalimin, evidentimin dhe goditjen e veprimtarive kriminale në fushën e krimeve ekonomike e financiare, bazuar dhe në informacionet e siguruara nga inteligjenca policore, kanë organizuar operacionin policor të koduar "Drinks", për goditjen e një rasti kontrabandës me mallra që paguhet akcizë.

Gjatë operacionit, në aksin rrugor “Kapshticë – Blilisht”, shërbimet e Policisë kanë ndaluar automjetin me drejtues shtetasin A. Ll.

Gjatë kontrollit në këtë automjet, shërbimet e Policisë kanë gjetur një sasi pijesh alkoolike, të cilat dyshohet se janë futur në Shqipëri, pa kryer procedurat e zhdoganimit.   

Në vijim të veprimeve për këtë rast u arrestua në flagrancë shtetasi A. Ll., 53 vjeç banues në Korçë, për veprat penale “Kontrabanda me mallra të tjera” dhe " Kontrabandë me mallra që paguhet akcizë".

Gjithashtu, u referuan materialet në Prokurori ku nisi procedimi për veprën penale “Shpërdorimi i detyrës”, për shtetasit K. P., 45 vjeç,  A. G.  61 vjeç dhe R. M., 40 vjeç (doganierë), pasi dyshohet se nuk kanë kryer veprimet për zhdoganimin e mallrave, sipas ligjit.   

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme./ CNA

 





Lajmet e fundit nga