Gjenden 1881 fidanë narkotikë në Mallakastër/ Vihen në pranga dy autorët

7 Qershor 2025, 09:58, Kronika CNA

Gjenden 1881 fidanë narkotikë në Mallakastër/ Vihen në

Në kuadër të operacionit “Koordinata” në fshatin Çërrilë në Mallakastër janë gjetur 1881 fidanë lëndë narkotike të dyshuar kanabis. Efektivët kanë vënë në pranga dy autorët e dyshuar, të cilët u kapën në flagrancë duke ujirtur fidanët e kanabisit.

Gjithastu është proceduar penalisht kryeplaku i fshatit për shpërdorim detyre dhe M. Z. 44 vjeç, të cilët dyshohet se janë përfshirë në veprimtari.

Në banesën e 44-vjeçarit nga kontrolli u gjetën dhe sekuestruan dhe një shumë monetaredhe një armë zjarri

Njoftimi i policisë

Mallakastër/Vijon operacioni policor i koduar “Koordinata”, për parandalimin, evidentimin dhe goditjen e rasteve të kultivimit të bimëve narkotike.

Gjenden dhe asgjësohen në një parcelë në fshatin Çërrilë 1881 fidanë narkotikë cannabis sativa.

Kapen në flagrancë në parcelë duke ujitur fidanët narkotikë, vihen në pranga 2 autorët e dyshuar.

Procedohet penalisht kryeplaku i fshatit dhe 1 shtetas tjetër i dyshuar i përfshirë në këtë veprimtari kriminale.

Shërbimet e Komisariatit të Policisë Mallakastë, si rezultat i kontrolleve të vazhdueshme dhe i hetimeve të kryera me metoda proaktive në vijim të operacionit policor të koduar “Koordinata”, goditën një rast të tentativës për kultivim të bimëve narkotike.

Gjatë kontrolleve, në fshatin Çërrilë, shërbimet e Komisariatit të Policisë Mallakastër gjetën një parcelë me 1881 fidanë të dyshuar narkotikë cannabis sativa.

Gjatë ndërhyrjes nga shërbimet e Policisë, në parcelë, u kapën në flagrancë duke ujitur fidanët narkotikë, shtetasit A. S., 53 vjeç, banues në Greshicë dhe E. Sh., 34 vjeç, banues në Çërrilë, të cilët u arrestuan për veprën penale “Kultivimi i bimëve narkotike”.

Në lidhje me këtë rast u procedua penalisht kryeplaku i fshatit, shtetasi I. S., 63 vjeç, për veprën penale "Shpërdorimi i detyrës".

Gjithashtu, në vijim të veprimeve hetimore, nisi procedimi penal edhe për shtetasin M. Z., 44 vjeç, banues në Ballsh, ku gjatë kontrollit të banesës, këtij shtetasi iu gjetën një armë sportive, 12.400 euro, 400 paund dhe rreth 900.000 lekë të reja të cilat dyshohet se ishin në funksion të kësaj veprimtarie kriminale.

Fidanët narkotikë u asgjësuan me anë të djegies.

Vijon puna për dokumentimin e plotë të kësaj veprimtarie kriminale, si dhe për identifikimin dhe kapjen e shtetasve të tjerë që mund të jenë të përfshirë./ CNA