web counter
LEXO PA REKLAMA!

SHKARKO APP

App Store
Google Play

E fundit!

x

Parandalohet ngjarja kriminale në Vlorë/ Vihet në pranga 39-vjeçari i armatosur

19 Shkurt 2026, 09:46, Kronika CNA

Parandalohet ngjarja kriminale në Vlorë/ Vihet në pranga

Një 39-vjeçar është arrestuar në Vlorë pasi u konfliktua me një person dhe mbante me vete një armë zjarri pistoletë me krehër me fishekë.

Në pranga është vënë shtetasi A. Sh., i cili sapo ka parë, ka tentuar të fshehë në një lulishte, armën e zjarrit që kishte me vete.

Sipas informacioneve policore, 39-vjeçari ishte konfliktuar me shtetasin B. J., 30 vjeç, në ambientet e një lokali, për motive të dobëta.

Njoftimi i policisë:

Vlorë

Ndërhyrja e menjëhershme e Policisë parandaloi një ngjarje të mundshme kriminale.

Arrestohet një 39-vjeçar që u konfliktua me një shtetas, për motive të dobëta, dhe mbante me vete 1 armë zjarri pistoletë me krehër me fishekë.

Sekuestrohet pistoleta.

Strukturat e Drejtorisë Vendore të Policisë Vlorë, mbrëmjen e djeshme, pas marrjes së njoftimit për një konflikt në ambientet e një lokali në lagjen “Uji i Ftohtë”, kanë ndërhyrë menjëherë për të parandaluar përshkallëzimin e tij.

Si rezultat i veprimeve të shpejta u kap shtetasi A. Sh., i cili sapo ka konstatuar shërbimet e Policisë, ka tentuar të fshehë në një lulishte, armën e zjarrit pistoletë që mbante me vete.

Nga hetimet dyshohet se ky shtetas ishte konfliktuar me shtetasin B. J., 30 vjeç, banues në Vlorë, në ambientet e një lokali, për motive të dobëta.

Në përfundim të veprimeve procedurale, shtetasi A. Sh., 39 vjeç, banues në Vlorë, u arrestua në flagrancë, ndërsa pistoleta me municiom u sekuestrua në cilësinë e provës materiale.

Materialet procedurale iu referuan Prokurorisë, për veprime të mëtejshme.

Drejtoria Vendore e Policisë Vlorë mbetet e angazhuar maksimalisht për garantimin e rendit dhe sigurisë publike, duke reaguar me vendosmëri ndaj çdo rasti që cenon qetësinë dhe sigurinë e qytetarëve. /CNA





Lajmet e fundit nga