web counter
LEXO PA REKLAMA!

SHKARKO APP

App Store
Google Play

Mos luani poker se ju fusin në burg

19 Korrik 2023, 14:50, Kronika CNA

Mos luani poker se ju fusin në burg

Policia e Pogradecit ka realizuar një “megaoperacion” të suksesshëm. Këtë herë nuk do ta besoni, por në “rrjetë” ka futur persona që luajnë poker.

Po, kështu siç po e lexoni. Për këtë vepër të paligjshme ka vënë nën hetim plot 20 persona.

Gjatë “megaoperacionit”, janë arrestuar 3 persona dhe është shpallur një tjetër në kërkim.

“Operacioni, i zhvilluar nga Komisariati i Policisë Pogradec, për goditjen e organizimit të paligjshëm të lojërave të fatit.

Procedohen penalisht 20 shtetas që ushtronin këtë veprimtari të paligjshme, nga të cilët 3 të arrestuar në flagrancë, 1 i shpallur në kërkim dhe 16 të tjerë në gjendje të lirë. Shtetasi i shpallur në kërkim posedonte ambientin e përshtatur për organizimin e lojërave të palejuara.  

Sekuestrohen një tavolinë pokeri, çipsa, letra bixhozi, 4 celularë dhe shuma parash.  Në vijim të punës për kontrollin e territorit dhe të ambienteve të ndryshme, me qëllim parandalimin, evidentimin dhe goditjen e paligjshmërisë, bazuar në informacionet e siguruara nga inteligjenca policore, shërbimet e Komisariatit të Policisë Pogradec organizuan dhe finalizuan operacionin policor të koduar 'Pokeri'. Si rezultat i këtij operacioni u arrestuan në flagrancë shtetasit:

-A. P., 48 vjeç, banues në Pogradec;

-E. M., 30 vjeç, banues në fshatin Vërdovë, Pogradec;

-E. M., 29 vjeç, banues në fshatin Bulgarec, Korçë.

Gjithashtu u shpall në kërkim shtetasi K. V., 46 vjeç, banues në Pogradec, si edhe u referuan materialet në Prokurori ku filloi procedimi penal për 16 shtetas të tjerë”, thuhet në njoftim./ CNA





Lajmet e fundit nga