web counter
LEXO PA REKLAMA!

SHKARKO APP

App Store
Google Play

“Mbyti” me drogë Italinë, arrestohet shqiptari

3 Prill 2024, 22:06, Kronika CNA
“Mbyti” me drogë Italinë, arrestohet shqiptari
Operacioni antidrogë në Itali

Policia italiane ka zbuluar emrat e 13 personave të arrestuar sot në kuadër të operacionit që shkatërroi një grup kriminal që trafikonte drogë nga Shqipëria, dhe e shpërndante në Fondi.

Mes 13 personave të arrestuar, është edhe shqiptari A. Sh., 39 vjeç, i hetuar më parë edhe në kuadër të operacionit “Giano” në qershor 2022.

Në orët e para të mëngjesit, 80 karabinierë nga komanda Latina dhe Catania në Itali u angazhuan në një operacion për ekzekutimin e 13 urdhër arresteve ndaj të dyshuarve për trafik ndërkombëtar droge nga Italia.

Kilogramë droge të ardhur nga Shqipëria fshiheshin në kamionë falë vende të improvizuara brenda tyre. Bëhet fjalë për kokainë, hashash dhe marijuana, gati për t’u shitur në zonën Pontine midis Fondi dhe Terracina, një treg veçanërisht i lulëzuar sipas hetuesve.

Të arrestuarit janë të gjithë me banim në Fondi, me disa precedentë të veçantë dhe prej vitesh konkurrojnë për tregun vendas.

Vetëm një prej tyre, disa kohë më parë, ishte zhvendosur në Caltagirone, në provincën e Katanias dhe ishte nën vëzhgim nga karabinierët vendas.

Hetimi nisi nga një sulm me armë, i kryer nga rivalët, në tetor 2020. Nuk u raportua për të lënduar apo të vdekur dhe ngjarja mbeti e mbuluar në heshtje.

Karabinierët e komandës Latina, megjithatë, kuptuan se një luftë po zhvillohej për kontrollin e zonave të trafikut të drogës në zonën e Pontines, duke kapur gjithashtu disa ngarkesa droge që mbërrinin në Fondi./ CNA





Lajmet e fundit nga