web counter
LEXO PA REKLAMA!

SHKARKO APP

App Store
Google Play

E fundit!

x

Aksident i rëndë në Këlcyrë/ Humbin jetën 8 persona

2 Prill 2024, 07:08, Kronika CNA
Aksident i rëndë në Këlcyrë/ Humbin jetën 8
Foto nga vendngjarja

Një aksident i rëndë është regjistruar mëngjesin e kësaj të marte në Këlcyrë.

Raportohet se një makinë me klandestinë ka tentuar t’i ikë policisë, por ka dalë nga rruga te kthesa e fshatit Grabovë.

Mjeti ka rënë në anë të lumit Vjosë, ndërsa janë regjistruar 8 viktima. Fatkeqësisht kanë humbur jetën shoferi shkodran dhe 7 klandestinë.

Në vendngjarje kanë shkuar Drejtori Vendor i Policisë, Drejtori i Departamentit për Kufirin, Drejtori i Policisë Rrugore dhe Drejtori i Rendit Publik, 2 grupe të Forcës Kombëtare të Sigurisë dhe grupi hetimor.

"Rreth orës 04:00, në aksin rrugor Këlcyrë- Përmet, në afërsi të fshatit Kuqar, dyshohet se si pasojë e humbjes së kontrollit mbi drejtimin e automjetit nga drejtuesi, automjeti tip Benz ka dalë nga rruga dhe ka rënë në anë të lumit Vjosë.

Si pasojë e daljes nga rruga kanë humbur jetën 8 shtetas.( 7 shtetas dyshohet se janë nga vendet e treta dhe drejtuesi i automjetit nga Shkodra)

Në vendngjarje ndodhet grupi hetimor i cili nën drejtimin e Prokurorit punon për sqarimin e rrethanave dhe shkakut të aksidentit.

Gjithashtu në vendngjarje ndodhen Drejtori Vendor i Policisë, Drejtori i Departamentit për Kufirin, Drejtori i Policisë Rrugore dhe Drejtori i Rendit Publik.

Po në vendngjarje ndodhen dhe dy grupe të Forcës Kombëtare të Sigurisë.

Në përfundim të veprimeve të para do ketë njoftim më të detajuar.", thuhet në njoftimin e policisë./ CNA





Lajmet e fundit nga