web counter
LEXO PA REKLAMA!

SHKARKO APP

App Store
Google Play

E fundit!

x

Mbetjet e rrezikshme/ Arrestohet në Durrës 37-vjeçari i shpallur në kërkim

12 Shkurt 2026, 15:36, Kronika CNA

Mbetjet e rrezikshme/ Arrestohet në Durrës 37-vjeçari i

Një 37-vjeçar i shpallur në kërkim në kuadër të operacionit “Eko-Toxic” është arrestuar nga policia e Durrësit.

Në pranga është vënë shtetasi Xh.G. Gjykata e Durrësit kishte caktuar ndaj tij masën e sigurisë “Arrest në burg”, për veprën penale “Shpërdorimi i detyrës”.

“Vijon operacioni koduar “Eko-Toxic”, kapet njëri nga shtetasit e shpallur në kërkim.  Specialistët e Sektorit për Hetimin e Krimeve Ekonomiko-Financiare kapën dhe ndaluan Xh. G., 37 vjeç, banues në Durrës, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Durrës, me vendimin e datës 03.02.2026, i ka caktuar masën e sigurisë “Arrest në burg”, për veprën penale “Shpërdorimi i detyrës”. Vijon puna për kapjen e shtetasve të tjerë në kërkim”, thuhet në njoftimin e policisë.

Kujtojmë se një javë më parë policia e Durrësit ekzekutoi 20 masa sigurie të caktuara nga Gjykata e Durrësit për vepra penale në fushën e kontrabandës, menaxhimit të mbetjeve, falsifikimit të dokumenteve dhe pastrimit të produkteve të veprimtarisë kriminale.

Ndërkohë bëhet me dije se po punohet për arrestimin e 12 personave të tjerë të shpallur në kërkim, pasi nuk u gjetën në banesa gjatë zhvillimit të operacionit. /CNA





Lajmet e fundit nga