web counter
LEXO PA REKLAMA!

SHKARKO APP

E fundit!

x

Ka kryer transaksione fiktive me kompaninë e inceneratorit të Fierit/ Ekstradohet drejt Shqipërisë Silvester Driza

27 Qershor 2023, 08:53, Kronika CNA

Ka kryer transaksione fiktive me kompaninë e inceneratorit të Fierit/

Interpol Wiesbaden, Gjermani në bashkëpunim me Interpol Tirana kanë bërë të mundur kapjen dhe ekstradimin drejt Shqipërisë të shtetasit Silvester Driza.

Ky shtetas ishte shpallur në kërkim pasi GJKKO i kishte caktuar masën e sigurisë “Arrest në burg”, për veprën penale, “Pastrim i produkteve të veprës penale apo i veprimtarisë kriminale”, kryer në bashkëpunim.

Driza ka themeluar një shoqëri sh.p.k dhe ka kryer disa transaksione fiktive me kompaninë që ka me koncesion inceneratorin e Fierit.

“Gjithashtu, si rezultat i bashkëpunimit dhe shkëmbimit të informacionit mes Interpol Tiranës dhe Interpol Wiesbaden, Gjermani, u bë kapja dhe ekstradimi drejt vendit tonë i shtetasit shqiptar, S. D., 30 vjeç, lindur në Durrës.

Shtetasi S. D., ishte shpallur në kërkim ndërkombëtar nga ZQK Interpol Tirana, pasi Gjykata e Posaçme Kundër Korrupsionit dhe Krimin e Organizuar i ka caktuar masën e sigurisë, “Arrest në burg”,  për veprën penale, “Pastrim i produkteve të veprës penale apo i veprimtarisë kriminale”, kryer në bashkëpunim.

Përmbledhja e fakteve: Shtetasi S. D. ka themeluar një shoqëri sh.p.k dhe ka kryer disa transaksione fiktive me kompaninë që ka me koncesion inceneratorin e Fierit”, thuhet në njoftim./ CNA





Lajmet e fundit nga