web counter
LEXO PA REKLAMA!

SHKARKO APP

App Store
Google Play

Dënohet me 6 muaj burg ish-kryetari i Gjykatës Kushtetuese/ I konvertohet në shërbim prove

26 Qershor 2023, 16:36, Kronika CNA

Dënohet me 6 muaj burg ish-kryetari i Gjykatës Kushtetuese/ I

Ish-kryetari i Gjykatës Kushtetuese, Bashkim Dedja, është dënuar me 6 muaj burg.

Mësohet se dënimi do t'i konvertohet në 1 vit shërbim prove.

Ky vendim është marrë ditën e sotme nga Gjykata e Posaçme kundër Korrupsionit dhe Krimit të Organizuar.

Prokuroria e Posaçme kërkoi 1 vit burg për Bashkim Dedjan, por Gjykata e Posaçme dha dënimin me 6 muaj.

SPAK-u pretendon se Dedja ka fshehur në deklarimin e tij një apartament me sipërfaqe 60 m2, e ndodhur në zonën Kryemedhenj, Njësia Administrative Golem Kavajë.

Kështu, ai akuzohet për kryerjen e veprës penale "Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim", kryer në formën e deklarimit të rremë dhe të fshehjes, të parashikuar nga neni 257/a/2 i Kodit Penal.

Bashkim Dedja është i pari nga ish-gjyqtarët dhe ish-prokurorët e shkarkuar nga vettingu që dënohet nga GJKKO./ CNA.al





Lajmet e fundit nga