web counter
LEXO PA REKLAMA!

SHKARKO APP

App Store
Google Play

Inskenoi rrëmbimin e tij dhe shiti makinën e babait/ Vihet në pranga 28-vjeçari

13 Korrik 2025, 11:06, Kronika CNA

Inskenoi rrëmbimin e tij dhe shiti makinën e babait/ Vihet në

Një rast i pazakontë ka ndodhur në Kavajë, ku një 28-vjeçar ka inskenuar rrëmbimin e tij për të përfituar lekë nga babai.

Policia ka vënë në pranga 28-vjeçarin L. C., i cili nuk ishte mjaftuar vetëm me inskenimin e rrëmbimit.

Gjithashtu ai i kishte marrë automjetin babait të tij, B. C. dhe dyshohet se e ka shitur.

Në lidhje me ngjaren është vënë në pranga dhe një 45-vjeçar, i cili i kërkonte lekët B. C., me pretendimin se duheshin për lirimin e djalit të tij.

 

Njoftimi i policisë

Kavajë

Mashtroi babain duke inskenuar rrëmbimin e vet për të përfituar para, vihet në pranga 28-vjeçari. Arrestohet edhe bashkëpunëtori i tij, i cili do të merrte shumën e kërkuar.

Specialistët për Hetimin e Krimeve në Komisariatin e Policisë Kavajë arrestuan në flagrancë shtetasit L. C., 28 vjeç, banues në Kavajë, dhe B. K., 45 vjeç, banues në Durrës.

Nga veprimet hetimore rezultoi se shtetasi L. C. kishte mashtruar babain e tij, shtetasin B. C., duke i thënë se ishte rrëmbyer dhe se për lirimin e tij kërkohej një shumë eurosh.

Shtetasi B. K. u kap në flagrancë në lagjen nr. 16 të qytetit të Durrësit, duke i kërkuar shtetasit B. C. shumën e parave, me pretendimin se do të shërbenin për lirimin e djalit të tij.

Rreth 100 metra larg vendit të ngjarjes, shërbimet e Policisë gjetën edhe 28-vjeçarin, i cili u arrestua në flagrancë, pasi rezultoi se kishte inskenuar ngjarjen dhe dy ditë më parë i kishte marrë automjetin babait të tij, dhe dyshohet se e ka shitur.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kavajë, për veprime të mëtejshme, për veprën penale “Mashtrimi”, kryer në bashkëpunim./ CNA





Lajmet e fundit nga