web counter
LEXO PA REKLAMA!

SHKARKO APP

App Store
Google Play

Asgjesohen 2943 rrënjë kanabisi në Shkodër/ Procedohen dy roje mjedisi

13 Korrik 2025, 10:04, Kronika CNA

Asgjesohen 2943 rrënjë kanabisi në Shkodër/ Procedohen dy

Në vijim të operacionit “Koordinata”, gjatë  kontrolleve në qarkun Shkodër u gjetën dhe asgjesuan 2943 bimë narkotike të dyshuara kanabis.

Policia procesoi penalisht në lidhje me rastet dy roje mjedisi, të akuzuar për shpërdorim detyre.

 

Njoftimi i policisë

Qarku Shkodër / Vijon operacioni policor i koduar “Koordinata”, kundër kultivimit të bimëve narkotike

Gjatë kontrolleve në territorin e qarkut Shkodër u gjetën dhe asgjësuan 2943 bimë të dyshuara narkotike Cannabis Sativa.

Për shpërdorim detyre procedohen penalisht 2 roje mjedisi.

Në vijim të operacionit policor të koduar “Koordinata”, strukturat e Drejtorisë Vendore të Policisë Shkodër dhe komisariatet në varësi të saj kanë intensifikuar kontrollet në të gjithë territorin e qarkut, me qëllim goditjen e rasteve të kultivimit të bimëve narkotike.

Në territorin e njësive administrative  Pult dhe Shosh, shërbimet e Komisariatit të Policisë Shkodër gjetën dhe asgjësuan 735 bimë të dyshuara Cannabis Sativa.

Në territorin e njësive administrative Kastrat dhe Gruemirë, shërbimet e Komisariatit të Policisë Malësi e Madhe asgjësuan 1631 bimë të dyshuara Cannabis Sativa.

Për këto raste u proceduan për shpërdorim detyre:

V. P., roje pyjesh

A. K., roje e zonave të mbrojtura

Në territorin e njësive administrative Temal dhe Shllak, shërbimet e Komisariatit të Policisë Vau i Dejës asgjësuan 139 bimë të dyshuara narkotike Cannabis Sativa.

Në territorin e njësive administrative Luf-Qerret dhe Gjegjan, shërbimet e Komisariatit të Policisë Pukë asgjësuan 438 bimë të dyshuara narkotike Cannabis Sativa.





Lajmet e fundit nga