web counter
LEXO PA REKLAMA!

SHKARKO APP

App Store
Google Play

Zbulohet arsenal armësh të paligjshme/ Arrestohet 36-vjeçari shqiptar në Itali

9 Korrik 2025, 21:12, Kronika CNA

Zbulohet arsenal armësh të paligjshme/ Arrestohet 36-vjeçari

Një grindje midis dy shqiptarëve i shtyu karabinierët e Appiano Gentile në Itali të zbulojë një arsenal të vogël armësh të paligjshme. Kjo ngjarje çoi  në arrestimin e një 36-vjeçari shqiptar, Oltion Brahimaj, banor i Lomazzo-s, por me vendbanim në Rovellasca.

Mediat italiane raportojnë se oficerët ndërhynë në Via Cavour, ku Brahimaj ishte grindur me një 28-vjeçar shqiptar.

Gjatë grindjes, 28-vjeçari e filmoi Brahimajn në celularin e tij. Brahimaj reagoi duke e goditur në fytyrë me qytën e një pistolete, duke e plagosur në fytyrë. Më pas e kërcënoi se do ta vriste dhe iku me vrap.

Siç raporton e përditshmja italiane ‘Il giono’, pak çaste më vonë, patrulla e karabinierëve mbërriti dhe e gjeti shqiptarin në shtëpinë e tij, duke vazhduar ta kontrollonte atë për të gjetur armën e përdorur në sulm.

Brahimaj fillimisht mohoi se kishte përdorur armën për të sulmuar bashkatdhetarin e tij, duke pretenduar se ishte vetëm një copë hekuri. Por më pas, kur u përball me pamjet filmike të bëra nga vetë i lënduari, ai e pranoi aktin dhe shoqëroi karabinierët në një garazh në Bregnano.

Lista e armëve të sekuestruara përfshinte: një pistoletë Pietro Beretta, modeli Gardone, 9 mm, me numër serial të fshirë dhe dy karikatorë, ai që dyshohet se është përdorur gjatë sulmit, një pistoletë Colt King Cobra me numër serial të fshirë; një silenciator të përputhshëm me pistoletën Beretta, 212 fishekë të kalibrit 38 të llojeve të ndryshme; shtatë fishekë të kalibrit 9 mm dhe një fishek të kalibrit 9x21. U sekuestruan edhe doreza të bardha prej pëlhure./CNA





Lajmet e fundit nga