web counter
LEXO PA REKLAMA!

SHKARKO APP

App Store
Google Play

Humb jetën Vladimir Prifti/ Regjisori i shquar i "Udhës së shkronjave"

5 Nëntor 2023, 10:24, Kronika CNA
Humb jetën Vladimir Prifti/ Regjisori i shquar i "Udhës së
Vladimir Prifti

Kinematografia shqiptare ka humbur një nga regjisorët e saj më të shquar, "Mjeshtrin e Madh" Vladimir Prifti.

Prifti u nda nga jeta në fundjavë në moshën 81-vjeçare.

Artisti i merituar, Prifti, njihet për filmat si "Udha e shkronjave", "Dhe vjen një ditë", "Flutura në kabinën time", "Kush vdes në këmbë", "Era e ngrohtë e thellësive" apo "Dasma e Sakos".

Lidhur me humbjen e jetës së “Mjeshtrit” të madh kanë reaguar dhe miq e kolegë të Priftit.

“Sapo më lajmëruan për ikjen e regjisorit të filmave: Udha e shkronjave, Dhe vjen një ditë, Flutura në kabinën time, Kush vdes në këmbë, Era e ngrohtë e thellësive etj! Sot ekranit shqiptar i ka ikur , regjisori i shquar , njeriu me humor dhe me pasion për artin! Ngushëllime familjes! Kur folëm herën e fundit ishe optimist o Ladi! E lamë që së shpejti të shiheshim te kafja si çdo ditë! Lamtumirë! Filmat e tu janë një pasuri kombëtare! Emri yt do mbetet i përjetshëm për mes veprës tënde!”, shkruan në rrjetet sociale Mevlan Shanaj.

Ministrja e Kulturës Elva Margariti thotë se sot kinematografia shqiptare humbi një tjetër emër të madh.

“Sot kinematografia shqiptare humbi një tjetër emër të madh!

Regjisori i filmave të paharrueshëm "Udha e shkronjave", "Kush vdes në këmbë", "Flutura në kabinën time" e shumë të tjerëve, Vladimir Prifti iu shtua tempullit të përjetësisë!

Regjisor i analizës psikologjike, i gdhendjes së karaktereve, që iu largua klisheve të kohës, Prifti ka lënë pas një shkollë për filmin shqiptar.

U prehsh në paqe mjeshtër!”, shkruan Ministrja e Kulturës Elva Margariti./ CNA





Lajmet e fundit nga