web counter
LEXO PA REKLAMA!

SHKARKO APP

App Store
Google Play

E fundit!

x

Shkarkoi pa të drejtë një punonjës/ Pezullohet nga detyra kreu i Urdhrit të Stomatologut

4 Nëntor 2023, 09:33, Kronika CNA
Shkarkoi pa të drejtë një punonjës/ Pezullohet nga detyra
Foto ilustruese

Kryetari i Urdhrit të Stomatologut, shtetasi me inicial N. D. është pezulluar nga detyra për shpërdorimin e saj.

Policia njofton këtë të shtunë se ka ekzekutuar masën e sigurisë “Pezullimi i ushtrimit të një detyre apo shërbimi publik”.

68-vjeçari, në cilësinë e Kryetarit të Urdhrit të Stomatologut, nuk ka zbatuar rregulloren e brendshme për zgjedhjet e reja të Komitetit Drejtues.

Me afat të përfunduar si mbajtës i këtij posti, ai ka shkarkuar pa të drejtë nga detyra një punonjës.

Njoftimi i policisë:

Finalizohet nga Sektori për Hetimin e Krimit Ekonomik dhe Financiar, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, operacioni policor i koduar "Election".

Shpërdoroi detyrën duke shkarkuar pa të drejtë një punonjës, ekzekutohet masa e sigurisë "Pezullimi i ushtrimit të një detyre apo shërbimi publik".

Specialistët e Sektorit për Hetimin e Krimit Ekonomik e Financiar, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, pas një pune disamujore në kuadër të një procedimi penal të vitit 2023, kanë finalizuar operacionin policor të koduar “Election”.

Në kuadër të këtij operacioni u ekzekutua masa e sigurisë “Pezullimi i ushtrimit të një detyre apo shërbimi publik”, për shtetasin N. D., 68 vjeç, banues në Tiranë.

Ky shtetas, duke shpërdoruar detyrën si Kryetar i Urdhrit të Stomatologut, nuk ka zbatuar rregulloren e brendshme për zgjedhjet e reja të Komitetit Drejtues, dhe me afat të përfunduar si mbajtës i këtij posti, ka shkarkuar pa të drejtë nga detyra një punonjës.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale./ CNA





Lajmet e fundit nga