web counter
LEXO PA REKLAMA!

SHKARKO APP

App Store
Google Play

Gjenden rreth 27 mijë fidanë kanabis në Malësi të Madhe/ Kultivoheshin në toka

20 Maj 2023, 10:10, Kronika CNA

Gjenden rreth 27 mijë fidanë kanabis në Malësi të

Finalizohet faza e dytë e megaoperacionit policor antikanabis “Alpe të pastra”, në sajë të të cilit janë asgjësuar fidanë kanabisi në Malësinë e Madhe.

Blutë kanë konstatuar në territorin e fshatin Gruemirë-Çesme, në ambient të hapur, 6300 fidanë të dyshuar cannabis sativa të mbjellë në tokë, si dhe 20300 fidanë në kubikë, që dyshohet se do të kultivoheshin në toka, në zona malore të Malësisë së Madhe.

Fidanët e mbjellë në tokë dhe në kubikë janë asgjësuar me anë të djegies, përveç një pjese të vogël që është sekuestruar në cilësinë e provës materiale.

Falë veprimeve të shpejta, bazuar dhe në informacionet e siguruara, shërbimet e Policisë kanë bërë të mundur  identifikimin e njërit prej autorëve kryesorë të tentativës për kultivimm të këtyre fidanëve, konkretisht shtetasin A. D., 55 vjeç, banues në fshatin Polvar, Malësi e Madhe, i cili u shpall në kërkim dhe po punohet për kapjen e tij.

Ndërkohë, specialistët për Hetimin e Krimeve në Komisariatin e Policisë Malësi e Madhe, në bashkëpunim me Prokurorinë, vijojnë hetimet e thelluara për identifikimin dhe kapjen e shtetasve të tjerë të implikuar në këtë veprimtari kriminale.

Ndërkaq, policia njofton se po vijon operacioni policor antikanabis “Alpe të pastra”.





Lajmet e fundit nga