web counter
LEXO PA REKLAMA!

SHKARKO APP

E fundit!

x

Gazetarja ngre shqetësimin/ Bilanci i krimit në familje, më i zi sesa duket

8 Mars 2023, 20:40, Kronika CNA
Gazetarja ngre shqetësimin/ Bilanci i krimit në familje, më i zi
Gazetarja Anduena Llabani

Gazetarja Anduena Llabani ka ngritur alarmin për krimin në familje, teksa foli për vrasjet e tre grave nga Dan Hutra dhe plagosjet e tre të tjerave.

Llabani tha në një dalje televizive se bilanci në rrethe është më i zi sesa duket, pasi gratë nuk e denoncojnë dhunën në familje.

Ajo deklaroi se në burgje kemi shumë Dan Hutra, të cilët nuk kurohen dhe trajtohen, por përsërisin krimet.

“Ishte një krim i paralajmëruar le të themi. Shteti s’është marrë me Dan Hutrën. Vuante dënimin në një nga burgjet e sigurisë së mesme dhe askujt s’i ka rënë në sy. Në burg ka psikolog që bëjnë vlerësimet, ka një dosje që merret me sjelljet e tyre. Ka pasur vetëm raporte negative ndaj tij. Ka qenë një person konfliktual. Ka pasur edhe një tentativë për vrasje të një të burgosuri tjetër me të cilin ndante qelinë. Nuk e kuptoj që pse institucionet mes tyre nuk komunikojnë. A ka një detyrim ligjor që institucionet të shkëmbejnë informacione të tilla. Nuk ka pasur vëmendje, qoftë nga organi i akuzës, qoftë nga gjykata që vendosi më pas lirimin e tij. Ky është dënuar tamam 24 vite burg, por me gjykim të shkurtuar... Gjykimi i shkurtuar është aplikuar deri para dy vitesh, kur u vendos që të mos tolerohej më krimi brenda familjes.

Për krimin në familje që prej dy vitesh nuk aplikohet më. Por ka shumë të tjerë të dënuar më parë me gjykim të shkurtuar për vrasjen e bashkëshorteve. Nuk ka një hartë, nuk dimë zonat e nxehta, nuk dimë çfarë ndodh nëpër rrethe. 524 urdhra mbrojtje janë miratuar nga gjykata në Tiranë. Në 2023-shin vetëm 68 janë miratuar nga gjykata vetëm për Tiranën. Nëpër rrethe është edhe më zi se ç’duket. Ne në burgje kemi Dan Hutra sa të duash që nuk kurohen, nuk trajtohen. Nuk kemi frenim të krimit në familje, kemi përsëritje. Marrja e tyre në trajtim është më e nevojshme se kurrë. Psikologët që shkojnë në gjykata as nuk paguhen nga gjykata për këtë punë”, theksoi gazetarja./ CNA.al





Lajmet e fundit nga