web counter
LEXO PA REKLAMA!

SHKARKO APP

App Store
Google Play

E fundit!

x

Ervis Martinaj u vra dhe u hodh në det?/ Lala: Janë bërë kërkime në jug

16 Gusht 2024, 22:40, Kronika CNA
Ervis Martinaj u vra dhe u hodh në det?/ Lala: Janë bërë
Ervis Martinaj

Gazetarja Klodiana Lala ka folur këtë të premte në lidhje me Ervis Martinajn, bossin e lojërave të fatit, i cili rezulton i zhdukur që prej gushtit 2022.

Lala u ndal tek aludimet për vrasjen e Martinajt dhe hedhjen e trupit në det.

Ajo tha në emisionin e Ermal Peçit se ka pasur kërkime nga polumbarët në zonën e jugut.

“Unë kam publikuar një nga pamjet e tij të fundit para se të zhdukej, sigurisht unë nuk jam as prokurori dhe gjykatës që të them në mënyrë kategorike me fatin e tij. Martinaj ndryshe nga shumë njerëz të botës së krimit nuk erdhi nga rruga dhe u bë kriminel, ishte e kundërta, një njeri që erdhi nga banka e universitetit dhe pastaj hyri në krim.

Sigurisht që kam dyshimet e mia, besoj nuk ka hetime për atë rast, fakti që autoritetet shqiptare ia kanë lënë një Prokurorie të vogël do të thotë që mendoj se nuk ka pasur ndonjë interes të madh për ta trajtuar këtë çështje.

Por, fakti që po kalon kaq shumë kohë dhe nuk ka asnjë të dhënë, lëvizje, dyshimet më çojnë që Ervis Marinaj mund të jetë vrarë. Këto janë dyshimet që unë ngre për këto arsye që unë them.

Por, nuk guxoj të them që kjo është kështu se e them unë, duhet të kem provë. Di që ka pasur kërkime në zonën e jugut, se kishte dyshime se mund të ishte vrarë dhe hedhur në det. Kam qenë atje, ka pasur kërkime nga polumbarët, por për fat të keq për fatin e tij ende nuk dihet asgjë”, u shpreh gazetarja.

Ajo theksoi se ka pasur sinjalizime për çështjen e Martinajt, por nuk ka mundur të zbardhë të vërtetën.

“Kam pasur një sinjalizim për kërkimet që po kryheshin, kam pasur sinjalizim për të dhëna që e lidhin me zonën e Durrësit, po ashtu kam shkuar kam vajtur kam bërë verifikime por skam shkuar te ajo prova finale që të them kjo ka ndodhur me Martinaj”, nënvizoi Klodiana Lala./ CNA





Lajmet e fundit nga